Երեկ հայտնի դարձավ, որ որոշ պատգամավորներ չեն առաջադրվել որպես պատգամավորության թեկնածու։ Նրանցից ոմանք բացատրեցին, թե իրենք ջանք ու եռանդ չեն խնայելու թիմի համար աշխատելու, սակայն ՔՊ-ում գիտեն, որ նրանց քծնանքն ու ջանքերը մի պատճառ ունեն` Փաշինյանի բարեհաճությունը շահել, որ չպատժի չառաջադրվելու համար եւ թողնի՝ «ապրեն»:
«Հրապարակ» օրաթերթը գրում է. Բայց նրանցից ոմանք տողատակերում հասկացնում էին, որ համաձայն չեն ՔՊ-ի կուրսի հետ, օրինակ, ԱԺ փոխխոսնակ Հակոբ Արշակյանը, որը, փաստորեն, «կուլ չտվեց» իր նկատմամբ անարգանքը, երբ թույլ չտվեցին մասնակցել համագումարին՝ 30 հազար դրամ անդամավճարն ուշացնելու համար։ Քրիստինե Պողոսյանը՝ պաշտպանության նախկին նախարար Դավիթ Տոնոյանի մտերիմը, որը նրա նկատմամբ քրեական հետապնդումից հետո օտարվեց ՔՊ-ից։ Լիլիթ Կիրակոսյան անունով մի պատգամավոր էլ չի առաջադրվել, բայց նրա մասին հանրությունը ոչինչ չգիտի, որովհետեւ 4 տարի ծպտուն չի հանել։
Մի մասն էլ հասկացել է, որ շանս չունի ընդգրկվելու: Իսկ Աննա Հակոբյանի եղբորը` Հրաչ Հակոբյանին, ընտանիքն է հետ պահել առաջադրվելուց, որ փեսա-աներձագ, ազգուտակին առաջ բրթելու մեղադրանքները նվազեն: Երբեմնի ակտիվիստ Լենա Նազարյանն էլ է վերջին տարիներին անհետացել, նրան Աննա Հակոբյանն իր թեւի տակ է առել «Իմ քայլը» հիմնադրամում։ Խաչատուր Սուքիասյանն իր որոշումը համաձայնեցրել է Փաշինյանի հետ։
Ի դեպ, չնայած Տիգրան Ավինյանն առաջադրվելու ցանկություն չի ունեցել, բայց հասկանալով, որ գլխացավանքի մեջ կընկնի, վերջին օրերին փոխել է որոշումը։
Բաց մի թողեք
Պատմության գնահատականները շատ ավելի դաժան են, քան՝ մեր գնահատականները․ Տեր Փառեն
Պաշի տղա Սուրո Լեննականսկի» անունով օրենքով գողը, մյուսներն ազատ են, Սրբազանները կալանավորված
«88» ցանցի սուպերմարկետների համար աշխատողներ չեն գտնում