Սյունիքի մարզի դատախազության ավագ դատախազ Սամինե Պետրոսյանը հայց է ներկայացրել՝ վիճարկելով գլխավոր դատախազ Աննա Վարդապետյանի՝ իրեն կարգապահական տույժի ենթարկելու որոշումը եւ պահանջելով անվավեր ճանաչել այն։
«Հրապարակ»-ը գրել է. «Դատալեքս» դատական-տեղեկատվական համակարգից տեղեկանում ենք, որ հայցը մակագրվել է Երեւանի քաղաքացիական դատարանի դատավոր Գայանե Մազմանյանին, որն էլ որոշել է Պետրոսյանի հայցադիմումը ետ վերադարձնել՝ ինչ-որ փաստաթղթային սխալների պատճառով եւ հնարավորություն է տվել հայցվորին թույլ տրված խախտումները վերացնել եւ եռօրյա ժամկետում կրկին ներկայացնել հայցը։ Մենք տեղեկացանք, որ ավագ դատախազը շտկել է սխալները եւ հայցը կրկին մուտք արել դատարան։ Այսինքն՝ Պետրոսյանը իր պայքարը գլխավոր դատախազի որոշման դեմ շարունակում է։ Նշենք, որ մինչ Սյունիքի մարզի դատախազություն տեղափոխվելը Պետրոսյանը Մալաթիա- Սեբաստիա վարչական շրջանների դատախազությունում է աշխատել։
Ուսումնասիրելով դատախազության կայքը, մենք գտել էինք այն հրապարակումը, որտեղ ներկայացված էր «կարգապահական տույժի» մասին ինֆորմացիան։ «Հայաստանի Հանրապետության գլխավոր դատախազ Աննա Վարդապետյանի՝ 2026 թվականի հունվարի 21-ի որոշմամբ՝ Սյունիքի մարզի դատախազությունում ինքնավար պաշտոն զբաղեցնող անձի նկատմամբ հարուցվել է կարգապահական վարույթ: Վարույթի շրջանակում հաստատվել է, որ դատախազը պարբերաբար խախտել է աշխատանքային ներքին կարգապահական կանոնները, դատախազի վարքագծի կանոնները և չի կատարել պաշտոնեական պարտականությունները… Էթիկայի հանձնաժողովը 2026 թվականի ապրիլի 1-ի որոշմամբ հաստատված է համարել կարգապահական խախտման առկայությունը և դատախազի մեղավորությունը: Գլխավոր դատախազի՝ 2026 թվականի ապրիլի 2-ի որոշմամբ՝ Սյունիքի մարզի դատախազությունում ինքնավար պաշտոն զբաղեցնող անձի նկատմամբ նշանակվել է «պաշտոնի իջեցում՝ մեկ աստիճանով» տեսակի կարգապահական տույժ», նշված էր հրապարակման մեջ:
Բաց մի թողեք
Փաշինյանը, այ, որ նորից սկսի օգտվել մեր ծառայություններից, տարբերությունը կզգա
Մանդատից հրաժարվելը Մելքումյանի անձնական գործն է, բայց ուրացողներին ոչ մեկը չի հարգում
Ինքնաբացարկի դիմումները համաձայնեցված կամ կուսակցության որոշումներով հետագա պայքարին միտված որոշումներ են