Սլովակիայի վարչապետ Ռոբերտ Ֆիցոն չեղարկել է իր ելույթը՝ նվիրված ազգային տոնին՝ Ազատության և ժողովրդավարության համար պայքարի օրվան։
Այս մասին հայտնել է սլովակական «Պրավդա» լրատվական պորտալը՝ հղում անելով «Ուղղություն՝ Սոցիալ-դեմոկրատիա» կուսակցության փոխնախագահ Էրիկ Կալինակին։
«Վարչապետը վիրուսային [մրսածություն] հիվանդություն ունի», – Կալինակի խոսքերն է մեջբերել պորտալը։ Ֆիցոն իրեն վատ էր զգում նոյեմբերի 15-ից։
Վարչապետը պետք է կիրակի օրը ուղերձ դիմեր ազգին՝ նշելու Ազատության և ժողովրդավարության համար պայքարի օրը, որը տոն է՝ նվիրված է Չեխոսլովակիայում կոմունիստական ռեժիմի տապալմանը հանգեցրած 1989 թվականի թավշյա հեղափոխությանը։
Ֆիցոն մի քանի անգամ չեղարկել է իր աշխատանքային գրաֆիկը։ Սլովակական լրատվամիջոցները դա կապել են 2024 թվականի մայիսի 15-ի մահափորձից ի վեր պարբերաբար նրա մոտ առաջացած առողջական խնդիրների հետ։ Վարչապետը հրազենային վերքեր է ստացել։
Բաց մի թողեք
Բացահայտում․ Հյուսիսային Կորեայի եւ Իրանի միջեւ գործում են գաղտնի կապեր
Դանիան հրաժեշտ է տալիս նամակների առաքմանը և փոստարկղերին. Լուսանկարներ
Թրամփ-Զելենսկի հանդիպումը տևել է ավելի քան երկու ժամ. ի՞նչ է որոշվել