Թուրքիայում ուղևորատար ավտոբուսը դուրս է եկել կառավարումից և բախվել արգելապատնեշներին. կա 14 վիրավոր. Լուսանկար ·

Թուրքիայի Բուրսա-Էսքիշեհիր մայրուղու Պոյրա գյուղի մոտ ուղևորատար ավտոբուսը բախվել է ճամփեզրի արգելապատնեշներին, երբ վարորդը կորցրել է կառավարումը։

Ծանուցումից հետո դեպքի վայր են մեկնել ոստիկանության, ժանդարմերիայի և 112 շտապօգնության խմբերը։

Ավտոբուսում վիրավորված 14 ուղևոր շտապօգնության մեքենայով տեղափոխվել են շրջակա հիվանդանոցներ։ Հայտնի է դարձել, որ տուժածների կյանքին վտանգ չի սպառնում։