23/05/2024

ՀՀ ՊՆ-ից ստացել են 122 միլիարդ դրամի պատվեր․ ԲՏԱ նախարարությունում ակնկալում են այդ ցուցանիշն էլ ավելի բարձրացնել

Ռազմարդյունաբերական համալիրում ներգրավված հայաստանյան ընկերությունները ՀՀ ՊՆ-ից ստացել են 122 միլիարդ դրամի պատվեր։

Այս մասին այսօր ասաց ՀՀ բարձր տեխնոլոգիական արդյունաբերության նախարար Մխիթար Հայրապետյանը։

ԲՏԱ նախարարությունում ակնկալում են այդ ցուցանիշն էլ ավելի բարձրացնել․ «Մինչև տարեվերջ ակնկալում ենք, որ այդ ցուցանիշը կհասնի 191 մլրդ դրամի (482 ԱՄՆ դոլար)։ ՊՆ-ից պատվերներ է ստացել 25 կազմակերպություն։ Մենք ակնկալում ենք, որ այս ցուցանիշը տարեվերջին կհասնի 29-ի»,- նշեց նախարարը։ Ներկա պահի դրությամբ կնքվել է 46 պայմանագիր՝ 3 տարվա հաշվարկով։