16/07/2024

«ԱՀԾ Գյուրզա» ծառայության տնօրենը հայտնել է, որ «Արթմեդ» ԲԿ-ի բժիշկների ընդհանուր սենյակից գողացել են գումար․ Լուսանկար

Մայիսի 28-ին գողության դեպք է տեղի ունեցել Երևանում։

Ժամը 18։10-ի սահմաններում ՀՀ Ներքին գործերի նախարարության ոստիկանության Ավանի բաժանմունք է դիմել Երևանի բնակիչ 67-ամյա Արամ Հ․-ն և հայտնել, որ մայիսի 27-ին ժամը 19։30-ից մինչև ժամը 20։30-ն ընկած ժամանակահատվածում Ծարավ Աղբյուր 55Ա հասցեում գտնվող «Արթմեդ» ԲԿ-ի բժիշկների ընդհանուր սենյակից գողացել են գումար:

Ինչպես հայտնում է ֆոտոլրագրող Գագիկ Շամշյանը, ոստիկանության Ավանի բաժանմունքում դեպքի հանգամանքները և գումարի չափը ճշտվում է և ձեռնարկվում են միջոցառումներ գողություն կատարած անձին և գողոնը հայտնաբերելու ուղղությամբ:

Գ․ Շամշյանի տեղեկություններով՝ Արամ Հ․-ն աշխատում է «ԱՀԾ Գյուրզա» պահնորդական ծառայությունում, որպես՝ տնօրեն։

«ԱՀԾ Գյուրզա» ծառայության տնօրենը հայտնել է, որ «Արթմեդ» ԲԿ-ի բժիշկների ընդհանուր սենյակից գողացել են գումար