Երևանի թատրոնի և կինոյի պետական ինստիտուտից հայտնում են, որ «Ոսկե ծիրան» Երևանի 21-րդ միջազգային կինոփառատոնի պատվավոր հյուր, թատրոնի և կինոյի դերասան Քևին Սփեյսին հուլիսի 8-ին վարպետաց դաս է անցկացնելու բուհում:
«Կարող են մասնակցել Թատրոնի ֆակուլտետի, Կինոյի, հեռուստատեսության և անիմացիայի ֆակուլտետի ուսանողները։ Մասնակիցների թիվը՝ 10: Ընտրական փուլը կկայանա հուլիսի 5-ին՝ ժամը 11:00-ին, ԵԹԿՊԻ-ի Միջազգային կապերի բաժնում: Վարպետաց դասն ընթանալու է բացառապես անգլերենով (թարգմանություն չի լինելու)»,- հայտնում են բուհից:
Հայաստանի Ամերիկյան համալսարանում Քևին Սփեյսիի հետ հանդիպումը տեղի կունենա հուլիսի 9-ին՝ ժամը 16:00-ին։
Հայաստանում Նիդերլանդների դեսպան Յապ Ֆրեդերիքսն այսօր մասնակցել է «Ոսկե ծիրան» փառատոնի բացման ասուլիսին։ Այդ մասին նա տեղեկացրել է ֆեյսբուքյան իր էջում։
«Եւս մեկ անգամ ուզում եմ շեշտել` «Ոսկե ծիրանը» միայն փառատոն չէ, այլ Հայաստանի մշակութային պատուհանն է դեպի աշխարհ»,- գրել է նա։
Բաց մի թողեք
Երևանի երիտասարդական նվագախումբը մեր ամենակարևոր նախաձեռնություններից է. Տիգրան Ավինյան. Լուսանկարներ
Թագուհի Ղազարյանը թող տիկնիկով խաղա, ինչպես հայտնի ֆիլմում
«Հակոբ Կոջոյան» պետական կրթահամալիրի տնօրեն Ռուզաննա Երեմյանի հարցը կքննվի քաղաքապետարանում․ Լուսանկարներ