ԱՄՆ Պետդեպարտամենտը Երևանի «Զվարթնոց» միջազգային օդանավակայանից ռուս սահմանապահների դուրսբերումն անվանել է երկար սպասված քայլ։
Այս մասին հերթական ճեպազրույցում ասել է ԱՄՆ Պետքարտուղարության մամուլի քարտուղարի առաջին տեղակալ Վեդանտ Պատելը:
«Դեռ մեկ տարի առաջ անդրադարձել էինք այս հարցին: Իհարկե, դա այն ժամանակ իրադարձությունների մտահոգիչ զարգացում էր, այս զարգացման մասին այլ մանրամասներ չունեմ: Բայց դա, անկասկած, ողջունելի քայլ կլինի ճիշտ ուղղությամբ»,- ասել է Պատելը:
Հիշեցնենք, որ Հայաստանում ռուս սահմանապահների ներկայության հիմքում ընկած է 1992 թվականի սեպտեմբերի 30-ին Երեւանում կնքված հանրապետության տարածքում ռուսական սահմանապահ զորքերի կարգավիճակի մասին միջպետական պայմանագիրը։
Ռուսաստանի սահմանապահ ծառայության ներկայացուցիչները հուլիսի 31-ին ավարտել են «Զվարթնոց» օդային անցակետի պետական սահմանի պահպանությունը, գործառույթը հանձնվել է հայկական կողմին:
Բաց մի թողեք
Բրյուսելը պետական սուբսիդիաների առատություն է առաջարկում Իրանի պատերազմի էներգետիկ ցնցման դեմ պայքարելու համար
Եվրախորհրդարանի պատգամավորները կոչ են անում արագացնել ԵՄ ռազմական շարժունակությունը Խորհրդի հետ բախման ֆոնին
Վտանգավոր առաքելություն. Գերմանիան կարող է ականորսական նավեր ուղարկել Հորմուզի նեղուցը ապահովելու համար