«Մեր խմբակցությունը հայտարարել է, որ «Քաղաքացիական պայմանագիր» կուսակցությունը ամեն ինչ անելու է, որպեսզի տեղի ունենան արտահերթ ընտրություններ, բայց բախվել ենք նաև որոշակի իրավական կազուսի հետ, և սրա մասին նաև գրում են ընդդիմադիր որոշ հանրային, քաղաքական գործիչներ»:
Այս մասին լրագրողների հետ ճեպազրույցում ասաց «Քաղաքացիական պայմանագիր» խմբակցության պատգամավոր Վահագն Ալեքսանյանը՝ անդրադառնալով Գյումրու քաղաքական զարգացումներին:
«Այնտեղ որոշակի տարընթերցումներ կա, և իրավական կոլիզիա կա երկու օրենքների միջև փաստորեն, ու հարց է առաջանում, թե ե՞րբ պետք է այդ ընտրությունները տեղի ունենան, արդյոք առհասարակ կարո՞ղ են այդ ընտրությունները տեղի ունենալ՝ առանց համայնքապետի պաշտոնակատարի, քանի որ համայնքապետն է, որ, օրինակ, ընտրատեղամասերի հետ կապված կարգավորումներ է ստորագրում, ու այստեղ փաստացի որոշակի կազուսի առջև ենք կանգնած»,- ասաց Ալեքսանյանը:
Նրա խոսքով՝ այժմ իրենց խմբակցությունը այդ իրավական խնդիրների քննարկման փուլում է, և փորձում են հասկանալ, թե ինչ մեխանիզմներ կան այդ կազուսը շրջանցելու՝ կարգի բերելու համար:
«Միանշանակ քաղաքի վիճակը մեզ շատ է անհանգստացնում, ու խստորեն դատապարտելի է «Բալասանյան» դաշինքի կողմից նման վարքագիծը, որ քաղաքը մատնել են անտերության, որ դրա պատճառով քաղաքային աշխատողները աշխատավարձ չեն ստանում, փաստացի քաղաքը աղբի մեջ քիչ է մնում՝ կորի, այդ ամեն ինչը մեզ համար խստորեն դատապարտելի է: ՔՊ-ն հրաժարվել է կոալիցիայի մի մասից, բայց մանդատները վայր չի դրել, սկսել է աշխատել՝ որպես ընդդիմադիր»,- ասաց նա:
Ինչ վերաբերում է ճնշումների մասին խոսակցություններին, Ալեքսանյանը նկատեց. «Եթե իշխանությունը որոշեր ճնշել ավագանու մեծամասնություն չկազմող խմբակցություններից մեկին, ապա կճնշեր այնպես, որ այդ խմբակցությունից մի քանի հոգի կընտրեին ՔՊ խմբակցության թեկնածուին»:
«Չկա նման բան»,- ասաց Վահագն Ալեքսանյանը՝ անդրադառնալով «Բալասանյան» դաշինքին ճնշելու խոսակցություններին:
«Դուք երբևիցե Բալասանյան դաշինքի անդամներից որևիցե մեկից լսե՞լ եք նման բան: Այս իշխանության հասցեին տեղից վեր կացողը մտքին ինչ գալիս ասում է, բայց իրենք ճնշված են:
Ստում են, լկտի սուտ են խոսում, ու եթե նման բան ասող մարդ կա, թող իր անունով ասի և իր ասած ստերի համար պատասխան տա: Նրանք ուղղակի վրեժ են լուծել Գյումրիից ու գյումրեցիներից: Վրեժ են լուծել այն համայնքից, որը, ըստ երևույթին, իրենց չի տվել բավարար քվե՝ մեծամասնություն կազմելու համար»,- ասաց Ալեքսանյանը:
Նրա խոսքով՝ Գյումրու քաղաքապետարանում աշխատավարձերի մասով էլ խնդիր կա, գնումների մասով էլ, դիզվառելիքի հետ կապված՝ ևս. «Շիրակի մարզպետը երեկ խորհրդակցություն է անցկացրել քաղաքապետարանի դեռևս մնացած պաշտոնյանների հետ, նաև ՏԿԵ նախարարն է քաջատեղյակ, ու միասին մեխանիզմներ են մշակում, որպեսզի քաղաքը կոլապսի չմատնվի: «Բալասանյան» դաշինքի անթույլատրելի վարքագծի հետևանքով անտերության է մատնվել հանրապետության 2-րդ քաղաքը»:
Բաց մի թողեք
Իշխանության ուրացման ճանապարհը․ վախենում են Ամանորին հնչի Արցախի Հանրապետություն արտահայտությունը
Ադրբեջանական ինքնաթիռը խոցվել է ռուսական հակաօդային պաշտպանության համակարգի կողմից. Անդրեյ Կովալենկո
Այլևս ակնհայտ է, որ Ադրբեջանական օդանավը խոցվել է ռուսաստանյան ՀՕՊ-ի կողմից. Իոաննիսյան