Սիսիանից մեզ ահազանգել են, որ ավագանու Քաղպայմանագրի անդամ Սուրեն Վարդանյանը, որ նաեւ մասնագիտությամբ բժիշկ է եւ քաղաքում հայտնի է որպես բժիշկ Սեյրան, քաղաքի կենտրոնական եւ բանուկ փողոցներից մեկում հրազենով կրակել է շան վրա, վնասել աչքը։
Դեպքի առթիվ քրեական վարույթ է նաեւ նախաձեռնվել, մենք փորձեցինք խոսել ՔՊ-ական ավագանու հետ, սակայն չպատասխանեց մեր զանգերին։
«Հրապարակ»-ին ՆԳՆ-ից ասացին, որ դեկտեմբերի 3-ի երեկոյան Սիսիան քաղաքի մի բնակչից Համայնքային ոստիկանության Սիսիանի բաժին ստացվել է հաղորդում, որ Նելսոն Ստեփանյան փողոցում որսորդական հրացանով կրակել են թափառող ստերջացված շան վրա:
Ձեռնարկված միջոցառումների և բացատրական աշխատանքի արդյունքում կրակողը ներկայացել է Սիսիանի բաժին, խոստովանել արարքն ու ներկայացրել իր անվամբ հաշվառված որսորդական ողորկափող հրացանը: Կազմված փաստաթղթերն ուղարկվել են Սիսիանի քննչական բաժին:
Բաց մի թողեք
Խաղաղության պատրանքը պահպանում են, որ քարոզարշավի ժամանակ խոսելու թեմա լինի
Անհատ մարդիկ, իրենց անձը վտանգելով` շրջել են պատմության ընթացքը …
Ինչ էին իրականում «փնտրում» Արցախի ներկայացուցչությունում