ՆԱՏՕ-ի գլխավոր քարտուղար Մարկ Ռյուտեն կարծում է, որ Ռուսաստանը պետք է ԱՄՆ-ին ցույց տա Ուկրաինայի պատերազմը դադարեցնելու իր ցանկությունը, սակայն մինչ այժմ Կրեմլը միայն հետաձգում է այդ գործընթացը։
Այս մասին նա ասել է CBS News-ին տված հարցազրույցում։
Նա ընդգծել է, որ և՛ Միացյալ Նահանգները, և՛ ՆԱՏՕ-ն ջանքեր են գործադրում Ուկրաինայում պատերազմը դադարեցնելու համար, «և որպես այդ ջանքերի մաս՝ ԱՄՆ-ն իսկապես աշխատում է»։
«Սակայն գնդակն այժմ Ռուսաստանի դաշտում է, որը բավականաչափ ջանքեր չի գործադրում հրադադարի հաստատման համար:
Կարծում եմ, որ նրանք բավականաչափ արագ չեն գործում, մասնավորապես, իմ ամերիկացի զրուցակիցներից եմ տեղեկացել, կարծում եմ, որ Ռուսաստանն իսկապես պետք է ավելին անի այս պատերազմին վերջ տալու համար», – ասել է Ռյուտեն:
Նա ընդգծել է, որ արևմտյան դաշնակիցները լիովին աջակցում են ԱՄՆ-ի ջանքերին՝ ուղղված պատերազմի արդար, կայուն և տևական ավարտին:
«Ես խոսել եմ Մարկո Ռուբիոյի հետ, պարբերաբար շփվում եմ ամերիկյան վարչակազմի այլ անդամների հետ: Կարծում եմ, որ նրանք իսկապես փորձում են քայլ առ քայլ հասնել մի իրավիճակի, որտեղ այս պատերազմը կարող է ավարտվել»,- հավելել է Ռյուտեն:
Բաց մի թողեք
Սիդնեյում ահաբեկչությունը տեղի է ունեցել, երբ տեղի հրեական համայնքի ներկայացուցիչները տոնում էին ազգային «Խանուկա» տոնը
Ռուսաստանում գնդակահարվում են, բայց չեն ցանկանում պատերազմել Ուկրաինայի դեմ
Ես չեմ կառչում աթոռից, մենք պատրաստ ենք ընտրություններ անցկացնել, եթե անվտանգային իրավիճակը թույլ տա. Զելենսկի