Գյումրու նորընտիր ավագանու նիստը կվարի Վարդան Ղուկասյանը. ովքեր են մանդատ ստանում․ Լուսանկարներ

Թիվ 31 ընտրատարածքային հանձնաժողովն ապրիլի 14-ին կայացած արտահերթ նիստի ժամանակ մանդատներ հանձնեց Գյումրու նորընտիր ավագանու անդամներին։

«Մեր քաղաքը» դաշինքի ցուցակը գլխավորող Մարտուն Գրիգորյանը նոտարական վավերացմամբ ինքնաբացարկի դիմում էր ներկայացրել թիվ 31 ԸԸՀ: Եվս մեկ ինքնաբացարկի դիմում ավելի վաղ ներկայացրել էր «Իմ հզոր համայնք»-ի ավագանու թեկնածու, մշակույթի վաստակավոր գործիչ, Գյումրու պատվավոր քաղաքացի Սուսաննա Մկրտչյանը։

Երկուսի թեկնածությունն էլ՝ որպես ավագանու անդամի թեկնածուներ, ուժը կորցրած ճանաչվեց:

Այնուհետև հանձնաժողովն անցավ մանդատների բաշխման գործընթացին:

Նոր ձևավորվող ավագանիում ամենաշատ ձայներ ստացած «Քաղաքացիական պայմանագիր»-ը կունենա թվով ամենաշատ մանդատները՝ 14, ՀԿԿ-ն՝ 8 մանդատ, «Մեր քաղաքը»՝ 6, «Մայր Հայաստան»-ը՝ 2, «Իմ հզոր համայնք»-ին բաժին կհասնի 3 մանդատ:

«Քաղաքացիական պայմանագիր»-ը իր 14 մանդատով ավագանու կազմում կլինի հետևյալ անձանցով.

1. Մինասյան Սարիկ –  Գյումրի համայնքի ղեկավարի պաշտոնակատար

2. Մկրտչյան Վահագն – Գյումրի համայնքի ղեկավարի օգնական

3. Բարսեղյան Էմմա – Շիրակի մարզպետի աշխատակազմի զարգացման ծրագրերի մշակման և իրականացման բաժնի ավագ մասնագետ

4. Անանյան Լեվոն – ՀՀ էկոնոմիկայի նախարարությյան ներդրումային քաղաքականության բաժնի պետ

5. Արամյան Շավարշ – ՀՀ ՆԳՆ «ՍՊՏԾ» ՊՈԱԿ-ի տնօրենի տեղակալ

6. Հարությունյան Քնարիկ – «Քաղաքացիական պայմանագիր» կուսակցության աշխատակազմի ղեկավարի տեղակալ

7. Մանուկյան Հովհաննես – ՀԱՊՀ ԳՄ, ուսումնամեթոդական աշխատանքի գծով փոխտնօրեն

8. Բաղդասարյան Էդգար – «ՍԷԲ» ՍՊԸ-ի տնօրեն

9. Հայրապետյան Գալյա – ԱՁ «Գալյա Հայրապետյան», տնօրեն

10. Հակոբյան Անդրանիկ – չի աշխատում

11. Բեգզադյան Նարեկ – Գյումրու համայնքապետարանի ներդրումային ծրագրերի փորձագետ

12. Բեյբուտյան Աստղիկ – «Գյումրու Սուրբ Գրիգոր Նարեկացու անվան պոլիկնինիկա»-ի տնօրեն

13. Դավթյան Վահան – «Կարիտաս-Արեգակ» բարեգործական  հիմնադրամի տեխնիկական ղեկավար, կառավարիչ

14. Նազարյան Լուսինե- ՔՈԱՖ ՀՄՀ , հաղորդակցման և օտար լեզվի մասնագետ

«Հայաստանի կոմունիստական» կուսակցության՝  8 մանդատ

1. Ղուկասյան Վարդան- չի աշխատում

2. Առաքելյան Ավետիս – Վարդան Ղուկասյանի փեսան, «Գազպրոմ Արմենիա» ՓԲԸ-ի ճարտարագետ-չափագետ

3. Անանյան Լուսինե – չի աշխատում

4. Ղուկասյան Գևորգ – Վարդան Ղուկասյանի եղբորորդին, չի աշխատում

5. Սահակյան Սեդրակ – չի աշխատում

6. Մեսրոպյան Նարինե – չի աշխատում

7. Հարությունյան Արտակ -չի աշխատում

8. Լալազարյան Կարինե- չի աշխատում

«Մայր Հայաստան» կուսակցությունների դաշինք՝ 2 մանդատ

2. Մուրադյան Աննա – չի աշխատում

«Մեր քաղաքը» դաշինք՝ 6 մանդատ

1. Ադամյան Սվետլանա – ԱՁ-ի տնօրեն

2. Գևորգյան Հովհաննես – չի աշխատում

3. Գասպարյան Լիզա – Մարտուն Գրիգորյանի օգնական

5. Բադալյան Կարեն – չի աշխատում:

6. Եդիգարյան Վարդան – «Դուստր Ալիկա» ՍՊԸ-ի տնօրեն

«Իմ հզոր համայնք» կուսակցություն՝ 3 մանդատ

1. Մխիթարյան Ռուբեն Դավթի – պրոդյուսեր, «Վառուվի» ՍՊԸ-ի տնօրեն

2. Կիրակոսյան Վահե Սամվելի – «Կիրակոսյաններ» ՍՊԸ-ի տնօրեն:

3.Մոսոյան Սուսաննա – «Սիմոնյան կրթական հիմնադրամ», դասընթացավարների թիմի ղեկավար:

Լրագրողների հետ զրույցում ԸԸՀ նախագահն ասաց՝ մինչ ավագանու նիստի օրը մանդատներ ստացած անձինք կարող են ինքնաբացարկի դիմում ներկայացնել իրենք, եթե ընտրվի համայնքապետ, և դրանից հետո նման ցանկություն ունեցողներ լինեն, արդեն դիմումը կներկայացվի համայնքապետին:

Ապրիլի 16-ին կկայանա նորընտիր ավագանու անդրանիկ նիստը: Այն, ըստ օրենքի, վարելու է տարիքով ավագը:

Այս դեպքում, ըստ Տիգրան Ղազարյանի, այդ անձը Վարդան Ղուկասյանն է:

Գյումրու ՏԻՄ ընտրությունների արդյունքների ամփոփմամբ՝ պարզ էր դարձել, որ որևէ քաղաքական ուժի չի հաջողվել հավաքել 50+1 տոկոս անհրաժեշտ քվեները, և առանց դաշինքներ ու կոալիցիաներ կազմելու՝ հնարավոր չէր լինելու ստանձնել քաղաքի կառավարումը:

Արդյունքները ամփոփումից հետո «Մայր Հայաստան» դաշինքը հայտարարել է, որ պատրաստ է իր ձայնը տալու առավելագույն քվեներ ստացած ընդդիմադիր ուժին՝ Վարդան Ղուկասյանին:

«Իմ հզոր համայնք»՝ կուսակցության Գյումրի համայնքի ավագանու ցուցակի քաղաքապետի թեկնածու Ռուբեն Մխիթարյանն էլ իր հերթին է հայտարարել, որ պատրաստ է ավագանու կազմով քվեարկել Վարդան Ղուկասյանի օգտին։

Ընտրությունների արդյունքում գյումրեցիների քվեները բաշխվել էին հետևյալ կերպ՝

«Քաղաքացիական պայմանագիր» կուսակացություն՝ 17 հազար 188 քվե,

ՀԿԿ-ն՝ 9 հազար 727,

«Մայր Հայաստան» կուսակցությունների դաշինք՝ 2 հազար 904,

«Մեր քաղաքը» կուսակցությունների դաշինք՝ 7 հազար 380,

«Իմ հզոր համայնք» կուսակցություն՝ 3 հազար 739 քվե: