Իսրայելական մամուլում տեղ գտած հրապարակումների համաձայն՝ ԱՄՆ նախագահ Դոնալդ Թրամփն հնարավոր է առաջիկայում ճանաչի Պաղեստին պետությունը, որով արմատական փոփոխություն կկատարվի Վաշինգտոնի Մերձավոր-Արեւելյան քաղաքականության մեջ։
Այդ պատմական իրադարձության մասին Սպիտակ տան ղեկավարը ամենայն հավանականությամբ կհայտարարի Սաուդյան Արաբիա կատարելիք այցի ժամանակ, որի ընթացքում տեղի կունենա Պարսից ծոցի երկրների գագաթնաժողովը, որին մասնակցելու է նաեւ ԱՄՆ-ն՝ պետության ղեկավարի մակարդակով։
The Jerusalem Post-ը նույնիսկ մանրամասներ է ներկայացնել հռչակվելիք դեկլարացիայից, որը պատրաստվում է ստորագրել նախագահ Թրամփը։ Համաձայն այդ փաստաթղթի, նախատեսվում է ճանաչել Պաղեստին պետության ստեղծումը, սակայն պայմանով, որ վերջինիս հետ ՀԱՄԱս-ը կապ չի ունենա։
Թե իրականում նման բան կլինի, դժվար է ասել, սակայն իսրայելական պարբերականը որոշակի կասկածամտությամբ է վերաբերվում այն բանին, որ պաղեստինյան հարցը կարող է առաջիկա Ծոցի երկրների գագաթնաժողովի ժամանակ առանցքային հարց լինել։
Բաց մի թողեք
Վենսի միջազգային այցերի վիճակագրությունը
Լիտվայի «B պլանը»՝ ավելի քիչ ամերիկյան զորքերով Եվրոպայի համար
Սթարմերի գլխավոր օգնական Մորգան ՄաքՍվինին հրաժարական է տվել Պիտեր Մանդելսոնի սկանդալի պատճառով