Կոտայքում տեղի ունեցած ծեծկռտուքի դեպքի առթիվ նախաձեռնված քրեական վարույթի շրջանակներում ձերբակալվել է Արզնիի համայնքապետը:
Տեղեկությունը «Հայկական ժամանակ»-ին հաստատել են Քննչական կոմիտեից՝ հավելելով, որ վիճաբանության մասնակիցների միջև տեղի է ունեցել ծեծկռտուք, հնչել են կրակոցներ, 1 անձ ստացել է մարմնական վնասվածք:
«Դեպքի առթիվ ՀՀ քննչական կոմիտեի Կոտայքի մարզային քննչական վարչությունում 2025 թվականի հունիսի 8-ին ՀՀ քրեական օրենսգրքի 44-155-րդ հոդվածի 1-ին մասի (սպանության փորձ), 297-րդ հոդվածի, 2-րդ մասի 1-ին կետի (մի խումբ անձանց կողմից խուլիգանություն), 297-րդ հոդվածի 3-րդ մասի (խուլիգանություն՝ զենքի գործադրմամբ), 335-րդ հոդվածի 1-ին մասի (Ապօրինի կերպով հրազեն կրելը) հատկանիշներով նախաձեռնվել է քրեական վարույթ:
8 անձ ձերբակալվել է:
Նախաքննության ընթացքում նշանակվել են դատագենետիկական ու դատաբժշկական փորձաքննություններ: Նախաքննությունը շարունակվում է»,- մանրամասնեցին ՔԿ-ից:
Ավելի վաղ հայտնել էինք, որ հունիսի 8-ին վիճաբանություն, ծեծկռտուք և կրակոցներ են տեղի ունեցել Կոտայքի մարզում։
Ժամը 21։30-ի սահմաններում ՀՀ ներքին գործերի նախարարության ոստիկանության քրեական ոստիկանության գլխավոր վարչությունում, նույն վարչության Կոտայքի մարզային քրեական վարչությունում օպերատիվ տեղեկություններ են ստացվել, որ «Աբովյան» բժշկական կենտրոն հրազենային վնասվածքով ծայրահեղ ծանր ախտորոշմամբ քաղաքացի է տեղափոխվել։
Բաց մի թողեք
Երևանում հնչել է կրակոց, փրկել են Կիոկուշին կարատեի ֆեդերացիայի նախագահի տղայի կյանքը. Լուսանկար
ԱԱԾ-ն հաստատեց` Հայաստանի սահմանը ադրբեջանցի է հատել
Դատարանը կարճել է Արման Սարոյանի (նախկինում Գևորգ եպիսկոպոսի) հայցով հարուցված վարույթը