Հայ առաքելական եկեղեցին հայ ժողովրդի հոգևոր և պատմական ինքնության հիմնասյունն է, և դրա դեմ ուղղված ցանկացած քայլ ազգային արժանապատվության դեմ ոտնձգություն է։
Այս համոզմունքով է հանդես եկել Մասիսի քաղաքապետ և «Պատիվ ունեմ» խմբակցության առաջադրած վարչապետի թեկնածու Դավիթ Համբարձումյանը. «Բոլորս Հայ առաքելական եկեղեցու զավակներ ենք։ Հետևաբար՝ եկեղեցու դեմ ցանկացած հարձակում ոչ միայն անընդունելի է, այլև մեզ բոլորիս է վերաբերում»։
Նա իր զորակցությունն է հայտնել թե՛ Հայ առաքելական եկեղեցուն, թե՛ Ամենայն Հայոց կաթողիկոսին՝ ընդգծելով, որ այս պահին կարևոր է լինել միահամուռ ու վստահ կանգնել հոգևոր կառույցի կողքին. «Եկեղեցու դեմ իրականացվող ցանկացած գործողություն նախապես դատապարտված է ձախողման։ Ժողովուրդը դա թույլ չի տալու»։
Համբարձումյանի խոսքով՝ ազգային միասնությունը և եկեղեցու նկատմամբ սերն այն ուժն է, որը կարող է կանգնեցնել ցանկացած քայլ, որը սպառնում է հայ հոգևոր ժառանգությանը։
Բաց մի թողեք
Ի՞նչ հետեւանքներ կունենա «փաշինյանական եկեղեցու» ստեղծումը. Լուսանկար
Հենց սկսում է բացահայտումներով սպառնալ, հարցրեք ինքներդ ձեզ. «Ի՞նչ է պատրաստվում գողանալ կամ քանդել այս անգամ»․ Վրթանեսյան
Այս աղետաբեր իրականության մեջ բացառիկ անելիք ունեն մեր մտավորականները, ո՞ւր եք Դուք, թե նորեն հերթական իշխանությանն եք հաճոյանում. Հայր Ասողիկ