Եվրոպայի խորհրդի գլխավոր քարտուղար Ալեն Բերսեն Առաջին ալիքի հետ հարցազրույցում անդրադարձել է Հայաստանի և Ադրբեջանի միջև համաձայնեցված խաղաղության համաձայնագրի ստորագրման գործընթացին:
Ինչպես կարող է ԵԽ-ն ապահովել այս որոշման իրականցումը՝ հարցին, Բերսեն պատասխանել է. «Այս թեման մեզ հետաքրքրում է վաղուց: Ես խոսել եմ վարչապետ Փաշինյանի հետ շատ վաղ, այն պահից, երբ համաձայնագրի պայմաններն ընդունվել էին Հայաստանի կողմից: Առիթ եմ ունեցել նաև Ադրբեջանի իշխանությունների հետ խոսել՝ ասելով՝ մենք ցանկանում ենք առաջ գնալ այս հարցով, դուք էլ եք հետաքրքրված որ հստակություն և կայունություն լինի և Հայաստանը բավականին կարևոր քայլ է արել այս ուղղությամբ:
Կարծում եմ, որ Եվրոպայի Խորհուրդը երկխոսության հարթակ առաջարկելով այս հարցերի շուրջ, ևս դեր է կատարում: Օրինակ վերջերս Թուրքիայում էի, որտեղ սա ևս թեմա է որպես Հայաստանի հարևան: Թուրքիայում ևս խոսել եմ խաղաղության համաձայնագրի արագ ստորագրման անհրաժեշտության մասին:
Ռիսկերից մեկն այն է, որ այս քննարկումը կարող է շատ կարևոր լինել Կովկասում, բայց փոքր-ինչ մոռացվի աշխարհում: Մեր նպատակն է հիշեցնել սրա կարևորությունը, շարունակել առաջ տանել քննարկումները և ի վերջո հասնել վերջնական կետին Ադրբեջանի վրա բարեկամական ճնշում գործադրելով, եթե կարող ենք այսպես ասել:
Բավականին մեծ առաջընթաց կա վերջին ամիսներին: Մեր խնդիրն այսօր այն է, որ շատ դանդաղ է առաջ գնում գործընթացը, բայց առաջ գնում է: Ինձ կմտահոգեր, եթե ամեն ինչ կանգ առներ ամբողջապես: Այսինքն պետք է պահպանենք այս շարժումը, որ ամեն ինչ տանենք դեպի ստորագրում՝ ինչը հուսով եմ կլինի հնարավորինս արագ»,- ասել է Եվրոպայի խորհրդի գլխավոր քարտուղարը:
Բաց մի թողեք
Ռուսասեր ընդդիմության քարոզիչները, միանշանակ, սկլերոզ ունեն․ Արամ Սարգսյանը թարմացնում է նրանց հիշողությունը
Այսպիսի թշնամական հանձնառություն է վերցրել Էրդողանի կրնկի տակ մտած Փաշինյանը. «ՀայաՔվե»
Բավարա՞ր է սաղմոսներ և Ավետարան կարդալը Եկեղեցու անդամ լինելու համար. Տեր Վրթանես քահանա. Լուսանկար