Երևանի քաղաքապետ Տիգրան Ավինյանը քաղաքապետարանի գործակարգավարական նիստի ընթացքում մտահոգություն է հայտնել Man մակնիշի ավտոբուսների տեխնիկական վիճակի վերաբերյալ։
Նրա խոսքով՝ այս ավտոբուսների անսարքությունների թիվը շարունակում է մնալ բարձր տոկոսային մակարդակի վրա։
Քաղաքապետը հետաքրքրվել է՝ որն է խնդրի պատճառը, ինչին ի պատասխան զեկուցվել է, որ Man մակնիշի մեքենաները հաճախ դուրս են գալիս շարքից՝ պահեստամասերի մատակարարման խնդիրների պատճառով։ Բացի այդ, տեխնիկական խոտաններ էլ են հաճախ ի հայտ գալիս, իսկ անհրաժեշտ սարքավորումների փոխարինումը ժամանակատար է։
Տիգրան Ավինյանը նշել է, որ այս խնդիրը շարունակվում է արդեն շուրջ վեց ամիս, և եթե այս տեմպով շարունակվի, ապա քաղաքապետարանը ստիպված կլինի վերանայել համագործակցությունը մատակարարող ընկերության հետ։ «Սա վերջնական և հստակ փոխանցեք»,- շեշտել է քաղաքապետը։


Բաց մի թողեք
Արփի Դավոյա՛ն, ու քո համակուսակիցնե՛ր, դե կարո՞ղ եք գնալ ու Արսենի որդու՝ Ալենի աչքերին նայել. Սերո Սողոմոնյան
Արսենի կորուստը հերթական հարվածն էր․ պատասխանատուները չեն կարողանալու խուսափել օրենքով սահմանված պատժից․Սամվել Կարապետյան
Գարեգին Նժդեհի հրապարակում բախվել են «Lexus»-ն ու թիվ 48 երթուղին սպասարկող «Zhongtong» ավտոբուսը. Լուսանկար