Իրանի արտաքին գործերի նախարար Աբբաս Արաղչին հայտարարել է, որ Միացյալ Նահանգները խախտել է ՄԱԿ-ի կանոնադրությունը, միջազգային իրավունքը և Միջուկային զենքի չտարածման մասին պայմանագիրը՝ հարձակվելով «Իրանի խաղաղ միջուկային օբյեկտների» վրա։
Այս մասին նա գրել է «X»-ի իր միկրոբլոգում՝ նշելով, որ Միացյալ Նահանգների կողմից հարձակումը կունենա երկարաժամկետ հետևանքներ։
«ՄԱԿ-ի յուրաքանչյուր անդամ պետք է տագնապած լինի այս չափազանց վտանգավոր, անօրինական և հանցավոր վարքագծից։ ՄԱԿ-ի կանոնադրության և դրա դրույթների համաձայն, որոնք թույլ են տալիս օրինական ինքնապաշտպանություն, Իրան իրեն վերապահում է բոլոր տարբերակները՝ պաշտպանելու իր ինքնիշխանությունը, շահերը և ժողովրդին», – հավելել է Արաղչին։
Միևնույն ժամանակ, Իրանը խնդրել է ՄԱԿ-ի Անվտանգության խորհրդի արտակարգ նիստ գումարել։
Հիշեցնենք՝ ԱՄՆ նախագահ Դոնալդ Թրամփը հայտարարել է, որ երկրի ռազմաօդային ուժերը հարվածել են Իրանի երեք միջուկային օբյեկտների: Նրա խոսքով՝ ռմբակոծությանը մասնակցած ինքնաթիռներից մեկը «ռումբերով լի բեռ» է նետել Ֆորդոյի ուրանի հարստացման գործարանի վրա: Ֆորդոյի հետ մեկտեղ հարվածի են ենթարկվել Նաթանզի և Սպահանի օբյեկտները: Այսպիսով, ԱՄՆ-ն միացել է Իսրայելի կողմից Իրանի դեմ ռազմական գործողությանը:
Թրամփը ուղիղ հայտարարել է այսմասին, շնորհավորել ամերիկացի և իսրայելցի զինվորականներին ու նշել, թե պատմական պահ է ԱՄՆ-ի, Իսրայելի և աշխարհի համար:
Նա հավելել է, որ «ԱՄՆ-ն պատրաստ է կրկին հարված հասցնել, եթե Իրանի հարցը չլուծվի, Իրանը չհամաձայնի բանակցությունների կամ պատասխանի ԱՄՆ-ի հարվածներին»։
Բաց մի թողեք
Հուսամ՝ գոնե էս հիմքով էդ խելագարին հնարավոր կլինի կանգնեցնել. Սուրեն Սահակյան
«Գործընթացը սարերի հետևում չէ»․ Դավիթ Համբարձումյան
Եթե ամերիկյան ներգրավվածությունն այսքանով չավարտվի, ապա տարածաշրջանի համար հետևանքները շատ ծանր են լինելու. Սուրեն Սարգսյան