Իրանում միջուկային բոլոր ստորգետնյա օբյեկտները ոչնչացված են․ ԱՄՆ-ն ի վիճակի չէ պատերազմել Իրանի հետ․ Թրամփ և Վենս

ԱՄՆ-ի զինված ուժերի ձեռնարկած գործողության արդյունքում Իրանի ստորգետնյա միջուկային օբյեկտներին առավելագույն վնաս է հասցվել։

Այս մասին իր Truth Social-ի էջում գրել է ԱՄՆ նախագահ Դոնալդ Թրամփը։

«Ինչպես ցույց են տալիս արբանյակային լուսանկարները, Իրանի միջուկային բոլոր օբյեկտներին մեծագույն վնաս է հասցվել։ Այստեղ ճիշտ բառը ոչնչացումն է»,- գրել է նա՝ հավելելով, որ ամենամեծ ավերածությունները եղել են գետնի խորքում. «Ուղիղ թիրախին»:

Հիշեցնենք՝ ԱՄՆ նախագահ Դոնալդ Թրամփը հունիսի 22-ին հայտարարել է, որ երկրի ռազմաօդային ուժերը հարվածել են Իրանի երեք միջուկային օբյեկտների: Նրա խոսքով՝ ռմբակոծությանը մասնակցած ինքնաթիռներից մեկը «ռումբերով լի բեռ» է նետել Ֆորդոյի ուրանի հարստացման ստորգետնյա գործարանի վրա:

Ֆորդոյի հետ մեկտեղ հարվածի են ենթարկվել Նաթանզի և Սպահանի օբյեկտները: Այսպիսով, ԱՄՆ-ն միացել է Իսրայելի կողմից Իրանի դեմ ռազմական գործողությանը:

NBC News-ին տված կարճ հարցազրույցում ԱՄՆ փոխնախագահ Ջեյ դի Վենսն ասել է, որ Միացյալ Նահանգները ի վիճակի չէ պատերազմել Իրանի դեմ:

«Մենք պատերազմում ենք նրանց միջուկային հավակնությունների դեմ»,- ասել է նա: Վենսը հրաժարվել է 100 տոկոս վստահությամբ հաստատել, որ երկրի միջուկային օբյեկտներն ամբողջությամբ ավերվել են:

Փոխարենը նա նշել է, որ Միացյալ Նահանգները «հաջողությամբ հետաձգել է» Իրանի միջուկային ծրագիրը, և Միացյալ Նահանգները և նրա դաշնակիցները այժմ կաշխատեն «մշտապես» վերացնելու Իրանի միջուկային ծրագիրը:

Վենսը նաև ասել է, որ նախագահ Դոնալդ Թրամփը այժմ հույս ունի հակամարտության դիվանագիտական լուծում գտնել:

«Իրանցիներն ակնհայտորեն այնքան էլ լավ չեն պատերազմում: Միգուցե նրանք պետք է հետևեն նախագահ Թրամփի օրինակին և խաղաղության հնարավորություն տան: Եթե նրանք լուրջ են վերաբերվում դրան, ես ձեզ երաշխավորում եմ, որ Միացյալ Նահանգների նախագահը՝ նույնպես»,- ասել է Վենսը:

Թրամփը հայտարարել է, որ երկրի ռազմաօդային ուժերը հարվածել են Իրանի երեք միջուկային օբյեկտների: Նրա խոսքով՝ ռմբակոծությանը մասնակցած ինքնաթիռներից մեկը «ռումբերով լի բեռ» է նետել Ֆորդոյի ուրանի հարստացման գործարանի վրա:

Ֆորդոյի հետ մեկտեղ հարվածի են ենթարկվել Նաթանզի և Սպահանի օբյեկտները: Այսպիսով, ԱՄՆ-ն միացել է Իսրայելի կողմից Իրանի դեմ ռազմական գործողությանը:

ԱՄՆ-ն օգտագործել է վեց GBU-57 բունկերային ռումբ, որոնք նետվել են B-2 ռմբակոծիչներից՝ հարվածներ հասցնելով Իրանի առանցքային միջուկային օբյեկտին Ֆորդոյում, որը գտնվում է գետնի խորքում, հայտնում է Fox News-ը՝ հղում անելով իր աղբյուրներին։

B-2-ները միակ ինքնաթիռներն են, որ կարող էին նման ծանր ռումբեր կրել. յուրաքանչյուրը կշռում է ավելի քան 13 տոննա: Ռմբակոծիչները կարող են կրել երկու GBU-57 ռումբ:

Մոտ 30 Tomahawk թևավոր հրթիռներ, որոնք արձակվել են Օհայո դասի սուզանավերից, օգտագործվել են Սպահանում և Նաթանզում գտնվող երկու այլ միջուկային ենթակառուցվածքի օբյեկտների վրա հարձակումների ժամանակ, հայտնում է Fox News-ը։

Ըստ New York Times-ի աղբյուրի՝ հարվածն ավելի հզոր է եղել. թերթի աղբյուրի համաձայն՝ B-2 ռմբակոծիչները 12 GBU-57 ռումբ են նետել Ֆորդոյի օբյեկտի վրա, ևս երկուսը՝ Նաթանզի օբյեկտի վրա:

Ստորև կադրեր են ԱՄՆ-ի կողմից GBU-57 բունկերային ռումբով Իրանին հասցված հարվածներից: