Կրեմլը համալրում է իր ռազմական բազան Շիրակում, Հայաստանում՝ Հարավային Կովկասի պետությունների վրա ռազմական և քաղաքական ճնշումը մեծացնելու նպատակով։ Այս մասին նշված է Ուկրաինայի պաշտպանության նախարարության գլխավոր հետախուզական վարչության Telegram ալիքում։
«Անձնակազմը հավաքագրվում է Ռուսաստանի զինված ուժերի զինծառայողներից, որոնք ծառայում են Ռոստովի և Վոլգոգրադի մարզերում, ինչպես նաև ժամանակավորապես օկուպացված Ղրիմում։ Բացի այդ, Ռուսաստանը ակտիվորեն կամավորներ է փնտրում Կովկասի ստրկացված ժողովուրդների ներկայացուցիչների շրջանում, մասնավորապես՝ Հյուսիսային Օսիայում և Ադիգեայում», – ասվում է հաղորդագրության մեջ։
Ուժային գերատեսչության ներկայացուցիչ Անդրեյ Յուսովի խոսքով՝ ռուսական զորքերի տեղակայումը Հայաստանում Կրեմլի համապարփակ ռազմավարության մի մասն է, որն ուղղված է համաշխարհային անվտանգության իրավիճակի անկայունացմանը։
«Միջէթնիկական հակամարտության հրահրմանը զուգընթաց, Մոսկվան մեծացնում է իր ռազմական ներկայությունը Կովկասում։ Հավանաբար, Ադրբեջանի և Ռուսաստանի Դաշնության միջև հարաբերությունների վատթարացումը նախապես էր նախապատրաստված», – նշել է նա։
Բաց մի թողեք
Կինն իր ընտանիքն է պաշտպանում, երեխեքին, տունը, իսկ դո՞ւ՝ ադրբեջանցուն
Ալիևը սպառնացել է, թե ադրբեջանցիները երբեք դա չեն մոռանա. ի՞նչ է սպասում Փաշինյանին
Արման Եղոյանը կգլխավորի եկեղեցու դեմ արշավի ԱԺ քննիչ հանձնաժողովը․ ՔՊ-ն որոշում է կայացրել