11/07/2025

Հայ հոգևորականների կալանավորումը հանցագործություն է երկրի պատմության և ապագայի դեմ. Չարնոգուրսկի

ՀՀ վարչապետ Նիկոլ Փաշինյանի հակաեկեղեցական արշավի հետևում կանգնած է Արևմուտքը:

Այս տեսակետը հայտնել է Սլովակիայի նախկին վարչապետ Յան Չարնոգուրսկին։

«Արևմուտքը ցանկանում է ոչնչացնել կամ թուլացնել բոլոր այն ժողովուրդներին և պետություններին, որոնք Ռուսաստանի գոնե պոտենցիալ բարեկամներն են։ Հայաստանում դա հիմա շատ դրամատիկ է անցնում։

Նույնը հիմա տեղի է ունենում Սերբիայում` նախագահ Վուչիչի դեմ ցույցերի միջոցով, Սլովակիայի վարչապետ Ֆիցոյի դեմ ԵՄ–ից հնչող քննադատությամբ և նման այլ երկրներում», – ասել Է նա Sputnik-ին։

Չարնոգուրսկին նշել է, որ հայ հոգևորականների կալանավորումը հանցագործություն է երկրի պատմության և ապագայի դեմ:

Հայ հոգևորականների կալանավորումը հանցագործություն է. Սլովակիայի նախկին վարչապետը՝ Փաշինյանի արշավի մասին