Տարվա կարևորագույն տեխնոլոգիական միջոցառումը «ԴիջիԹեք 2025»-ը, որն այս տարի անցկացվելու է հոկտեմբերի 10-12-ը, առանձնանալու է հայաստանյան և միջազգային «հայթեք» առաջնորդների աննախադեպ ներգրավվածությամբ։
Միջոցառման կազմակերպիչը՝ Առաջատար Տեխնոլոգիաների Ձեռնարկությունների Միությունը, հրապարակում է բանախոսների «առաջին տասնյակը»։
Րև Լեբարեդյան (Rev Lebaredian) NVIDIA ընկերություն փոխնախագահ (Օմնիվերս և Սիմուլյացիոն տեխնոլոգիաներ), ԱՄՆ
Ջեք Մաքքոլի (Jack McCauley) Oculus ընկերության համահիմնադիր, Բերքլիի համալսարանի պրոֆեսոր, ԱՄՆ
Նուբար Աֆեյան (Noubar Afeyan) Moderna ընկերության համահիմնադիր և նախագահ, Flagship Pioneering ընկերության հիմնադիր, տնօրեն, ԱՄՆ
Լաուրի Անտալաինեն (Lauri Antalainen) հրեշտակ ներդրողների EstBAN ցանցի նախագահ և խորհրդի անդամ, Էստոնիա
Նայլ Տելլոն (Niall Tallon) Imagine Communications Group – ի տնօրեն, Իռլանդիա
Ալեքսանդր Եսայան (Alexadr Yesayan) Firebird.ai և Intent.ai ընկերությունների համահիմնադիր, ԱՏՁՄ նախագահ, Հայաստան
Հովիկ Թորկոմյան (Hovik Torkomyan) 36 Growth Marketing ընկերության հիմնադիր, Նիդերլանդներ
ՐաՖֆի Չաքմաքչյան (Raffi Tchakmakjian) Draft & Goal և Humanize, Inc. ընկերությունների վարչությունների
խորհրդական, Կանադա
Բախրոմ Իբրագիմով (Bakhrom Ibragimov) Molten East -ի ղեկավար, Մեծ Բրիտանիա
Արման Օբոսյան (Arman Obosyan) Skytel ընկերության տնօրեն, Վրաստան
ԴիջիԹեքը, որ այս տարի անցկացվելու է արդեն 20-րդ անգամ, Հայաստանի ամենամասշտաբային իրադարձություններից մեկն է։ Այս տարի ակնկալվում է 30-40 հազար այցելու։ Ինչպես հունվարի 1-ը օրացույցային կամ ֆինանսական տարվա սկիզբն է, սեպտեմբերի 1-ը՝ ուսումնական, այդպես էլ ԴիջիԹեքը տեխնոլոգիական անցող տարվա ամփոփումն է և նորի մեկնարկը տեխնոլոգիական հայության Ամանորը, որը մի քանի օրով իր շուրջն է հավաքում երկրում և երկրից դուրս ապրող և գործող «տեխնոլոգիական հայերին» և նրանց գործընկերներին։ 2025 թվականի ԴիջիԹեքն անցկացվելու է տեխնոլոգիական ցուցահանդեսի, կոնֆերանսի և փառատոնի եռամիասնության գաղափարի ներքո և խոստանում է գերազանցել բոլոր նախորդ ռեկորդները։
Առաջին ԴիջեԹեքն անցկացվել էր 2005 թվականին։ Այն մտահղացրել և իրագործել էր տեխնոլոգիական համայնքի անվերապահ առաջնորդ, Առաջատար Տեխնոլոգիաների Ձեռնարկությունների Միության երկարամյա տնօրեն լուսահոգի Կարեն Վարդանյանը։
Բաց մի թողեք
Մոսկվան ու Երևանը բանակցություններ կսկսեն Հայաստանի երկաթուղիների երկու հատվածի վերականգնման շուրջ
«Ռոսկոմնադզորը» ամբողջությամբ արգելափակել է նաև Facebook-ի, Instagram-ի, «Настоящее время»-ի, DW-ի և BBC-ի կայքերը
Երբ Հայաստանում կակտիվանա YouTube-ի դրամայնացումը․ ԲՏԱ նախարարը ժամկետներ է նշել