Մեզ հաշտեցրին շատ անհաշտելի բաների հետ` պաշտոնյաների ցինիզմի, անգրագիտության, ստախոսության: Երբ կարող է աչքերիդ մեջ նայել եւ հանգիստ ստել` առանց վախի ու ամոթի: Երբ կարող է մանիպուլացնել, «կրուտիտներ» անել, բռնվել ստի վրա, բայց չխոստովանել:
Հրապարակ թերթը գրել է․ Երբ մարդը չի տիրապետում իր պաշտոնի համար անհրաժեշտ գիտելիքներին ու բավարար գրագետ չէ, բայց մարդկանց ճակատագրեր է վճռում, պետության համար կարեւոր որոշումներ ընդունում:
Երեկ լսում եմ Քննչական կոմիտեի նախագահի պատասխանները եւ ապշում: Միշտ էլ իշխանությունը միջամտել է իրավապահների աշխատանքին, եւ քաղաքական հետապնդումներն էլ մեզանում նորություն չեն, բայց ա՞յս մակարդակի, նման փաստարկներո՞վ:
Ուրեմն պարզվում է` Սամվել Կարապետյանին կալանավորել են եւ հիմա նոր ապացույցներ են հավաքում: Ենթադրվում է, որ կալանավորելուց առաջ պետք է արդեն ապացույցներ ունենային:
Չի կարողանում ոչ մի կերպ բացատրել, թե ինչ հանցակազմ է պարունակում «մեր ձեւով կմասնակցենք» արտահայտությունը` խուսանավում է, թե մեղադրական որոշման մեջ գրված է: Դե հո չի՞ ասելու, որ շիզոֆրենիայի նոպայի պահին ինչ-որ մեկի աչքին բաներ են երեւացել, իրենք էլ վազել են՝ նրա հրահանգը կատարելու: Չի կարողանում բացատրել, թե ինչպես է ստացվել, որ Աջապահյանի հարցազրույցում դատախազությունը հանցակազմ չի տեսել, իսկ մեկ տարի անց հանկարծ տեսել է:
Պարզ է, որ մեղադրանքների մեծ մասը կառուցված է ենթադրությունների վրա, ասում է. փաստաբան Ռուբեն Մխիթարյանը «տակը» ինչ-որ բան է արել, ապա ձեռքերը բարձրացրել վերեւ: Լրագրողին փորձում է համոզել, որ «ապացույց» հասկացությունից միայն ինքն է գլուխ հանում, ուրիշ ոչ մեկը:
Իսկ թե ինչու են այս բոլոր մարդիկ անպայման կալանավորվում, առհասարակ, որեւէ բացատրություն չունի:
Արմինե Օհանյան
Բաց մի թողեք
Վեհափառի դեմ այս շարժումը Սյունիքը հանձնելու գործընթացին նախորդող քա՞յլ է
Ոստիկանությունը ճիշտ կաներ, եթե այդպես բերանները փակելով եկեղեցուց դուրս բերեր կեղծ հոգևորականներին․ Հայկ Դորունց
Իջևանում հասարակական տրանսպորտ չի գործում գյուղերի ու մարզկենտրոնի միջև