«Ակադեմիական քաղաք կառուցելու խոստում տված ՀՀ Կառավարությունը տապալել է դպրոցաշինության պրոպագանդված ծրագիրը:
ArmLur.am-ի ուսումնասիրությունը ցույց է տվել, որ ՀՀ կառավարության կրթական շինարարական մասշտաբային ծրագրերով նախատեսված էր կառուցել 284 դպրոց (որոշ դպրոցներ ծրագրից դուրս են հանվել), սակայն մինչ օրս կառուցվել է ընդամենը 59 դպրոց։ Դրանցից
• 33-ը՝ ամբողջությամբ նոր են կառուցվել,
• 26-ը՝ վերակառուցվել։
ArmLur.am-ը պաշտոնական աղբյուրներից տեղեկացավ, որ ծրագրի ավարտին մնացել է ընդամենը մեկուկես ամիս եւ պաշտոնապես ֆիքսված 284 դպրոցից 225 դպրոց դեռ չի կառուցվել: Հաշվի առնելով ժամկետները՝ չի էլ կառուցվի. 1.5 ամսում չեն հասցնի:
Այսպիսով՝ ծրագիրը կատարվել է ընդամենը 20 տոկոսով, ինչը փաստում է՝ խոստացված կրթական հեղափոխությունը դեռեւս մնացել է թղթի վրա»։
Բաց մի թողեք
Ինչու է Խաչատուր Սուքիասյանն իր հաշվին արձակուրդներ վերցնում
Երեւի օնլայն տեսահարթակներից տեսել են, որ մենք գտնվում ենք իրենց բնակավայրերում, եւ խնդրում են, որ հանդիպենք
Ի՞նչ բացատրություն կարող է լինել Իրանի Մինաբա քաղաքում աղջիկների դպրոցի ռմբակոծումը