Իրանի շուրջ ընթացող զարգացումները վտանգում են ոչ միայն տարածաշրջանի ապագան, այլև գլոբալ կայունությունը։
Այս մասին հայտարարել է Թուրքիայի արտգործնախարար Հաքան Ֆիդանը՝ ընդգծելով, որ արաբական երկրներում ամերիկյան բազաներին Իրանի ուղղակի հարվածներն ընդլայնում են ճգնաժամի մասշտաբները:
Նախարարը հատուկ ուշադրություն է դարձրել Հորմուզի նեղուցի շուրջ ստեղծված իրավիճակին։
«Հորմուզի նեղուցի փակումը ծանր ցնցումներ կառաջացնի համաշխարհային ֆինանսական և էներգետիկ համակարգերում, դա կստիպի ԱՄՆ-ին ցանկացած միջոցներով անհապաղ արդյունքների հասնել: Անկարայի պահանջը մնում է անփոփոխ՝ անհապաղ դադարեցնել փոխադարձ հարձակումները և վերադառնալ դիվանագիտությանը։
Այժմ Իսրայելի նպատակը Թեհրանում իշխանափոխությունն է, սակայն Իրանի հասարակության շրջանում ներկայում անկարգությունների նշաններ չկան, որոնք կարող են հանգեցնել ռեժիմի փոփոխության»,- ասել է Ֆիդանը:
Թուրքիայի ԱԳ նախարարի խոսքով՝ այժմ Իրանը փորձում է բարձր գին պարտադրել հակառակորդներին:
Բաց մի թողեք
Պուտինն ու Զելենսկին պետք է ինքնուրույն լուծեն իրենց խնդիրները, ես եմ նրանց հասցրել այս կետին․ Թրամփ
Միջանկյալ ընտրություններ. Պիչերոնոն կմնա պաշտոնում՝ չնայած սոցիալիստների կողմից հրաժարական տալու ճնշմանը
ՆԱՏՕ-ի դաշնակիցները քննարկում են Ուկրաինային 70 միլիարդ եվրոյի ռազմական օգնության նոր խոստումը