«Միացյալ ազգային սոցիալիստական կուսակցություն»-ը (ՄԱՍԿ) հայտարարել է, որ պատրաստվում է մասնակցել առաջիկա խորհրդարանական ընտրություններին։
Կուսակցության համահիմնադիր, Ազգային ժողովի պատգամավոր Հակոբ Ասլանյանը, անդրադառնալով հնարավոր քաղաքական համագործակցություններին, բացառել է համագործակցության տարբերակը իշխող Քաղաքացիական պայմանագիր կուսակցությունի հետ։
Ասլանյանի խոսքով՝ իրենց քաղաքական ուժը որևէ պարագայում չի դիտարկում ՔՊ-ի հետ համագործակցությունը։ Նա նշել է, որ գործող իշխանությունը հեռացել է հեղափոխական արժեքներից և հայտնվել այնպիսի իրավիճակում, որը անհամատեղելի է իրենց կուսակցության սկզբունքների հետ։
Պատգամավորը նաև ընդգծել է, որ նրանք, ովքեր կարծում են, թե ՄԱՍԿ-ը կարող է համագործակցել ՔՊ-ի հետ, սխալվում են, քանի որ իրենց կուսակցության դիրքորոշումը այս հարցում հստակ է և անփոփոխ։
«Մենք որոշում ունենք, որ մասնակցելու ենք առաջիկա ԱԺ ընտրություններին», -այս մասին այսօր կայացած ասուլիսի ժամանակ հայտատարել է Միասնական ազգային սահմանադրական կուսակցության (ՄԱՍԿ) նախագահ, նախկին ՔՊ-ական պատգամավոր Հովիկ Աղազարյանը։
«Ձևաչափի մասին դեռ հստակ որոշում չունենք։ Բանակցում ենք որոշ կուսակցությունների հետ, և եթե գտնվեն համագործակցության եզրեր, ապա նախընտրում ենք ընտրությունների գնալ այլ կուսակցությունների հետ միասնական դաշինքային տրամաբանությամբ», – նշել է Աղազարյանը։
ՄԱՍԿ նախագահի խոսքով՝ մեկ կուսակցական ցուցակով ընտրությունների գնալու պատճառը ավելի հեշտությամբ խորհրդարանում հայտնվելու շեմը հաղթահարելն է։
Բաց մի թողեք
Արհեստական խոչընդոտվել է մարդկանց ընտրելու իրավունքը․ Գոհար Մելոյանի մամլո ասուլիսը․ Տեսանյութ
Վրաստանում ընդդիմությունը եվրոպամետ է, իսկ Հայաստանում՝ ոչ
Մոսկվան այլեւս չի թաքցնում, որ Եվրամիության հետ Հայաստանի հարաբերությունները «թշնամանք» են իր հանդեպ