Մայիսի 12-ին, ժամը 18․20-ի սահմաններում Հայաստան-Վրաստան ճանապարհի՝ Դիլիջանից Ճամբարակ տանող խաչմերուկով ընթացող քաղաքացիները նկատել են, որ միջպետական ավտոճանապարհի մի մեծ հատված պատված է ծխով։
Հրապարակ թերթը գրել է․ Պարզվել է` հերթական անգամ Դիլիջան համայնքի աղբավայրն է այրվում։ Այդ աղբավայրը միջպետական ավտոճանապարհի նշված հատվածում է` ավտոճանապարհից վերեւ է գտնվում։
Դիլիջան համայնքի ղեկավար, ՔՊ կուսակցության Դիլիջանի տարածքային կազմակերպության ղեկավար Դավիթ Սարգսյանը մայիսի 8-ից նախընտրական արձակուրդի մեջ է, ՔՊ կուսակցության քարոզչական բուկլետներն է անձամբ բաժանում, համայնքի բնակիչներին կոչ անում՝ հունիսի 7-ին քվե տալ «Քաղաքացիական պայմանագիր» կուսակցությանը։
Դավիթ Սարգսյանը՝ որպես Դիլիջան համայնքի ղեկավար պաշտոնավարելու 5 տարվա ընթացքում գոնե չի ցանկապատել համայնքի աղբավայրը, որպեսզի դիլիջանցիների կովերը չարածեն այնտեղ եւ թունավոր նյութերով սնվելով՝ քիմիական նյութերով հագեցած ու վնասակար կաթ չտան դիլիջանցիներին։
Իսկ աղբավայրը պարբերաբար այրվում է` ապականելով հանգստավայրի օդն ու բնությունը:
Բաց մի թողեք
Ադրբեջանցիների մեջ էլ լավ մարդիկ կան, ես չեմ ուզում, որ էլ սեւազգեստ մայրեր լինեն. Լուսանկար
Դավիթ Տոնոյանի գործը մոտենում է ավարտական փուլին
ԱԺ նախագահ կընտրեն, վարչապետ ու կառավարության կազմը կորոշի Նիկոլ Փաշինյանը