Իրանի ԱԳՆ-ից հայտարարել են, որ Ուկրաինայի զինված ուժերը Կասպից ծովում հարձակվել են իրանական առևտրային նավի վրա։ Զոհվել է մեկ մարդ, ևս մեկը՝ վիրավորվել։
Քաղաքական գերատեսչությունից նշել են, որ Թեհրանը իրավունք է վերապահում պատասխան քայլեր ձեռնարկել։
Իր հերթին Իրանի ԱԳՆ-ն Թեհրանում Ուկրաինայի գործերի ժամանակավոր հավատարմատարին բողոքի նոտա է հանձնել՝ Կասպից ծովում իրանական առևտրային նավի վրա հարձակման կապակցությամբ, հաղորդում է IRIB-ը։
Իրանի արտաքին քաղաքական գերատեսչությունը շեշտել է, որ Իրանը վճռականորեն պաշտպանելու է իր ազգային անվտանգությունն ու պետական շահերը։
«Իրանի Իսլամական Հանրապետությունը անպատասխան չի թողնի իր քաղաքացիների կյանքի և գույքի նկատմամբ ցանկացած ոտնձգություն», – հայտարարել են Իրանի ԱԳՆ-ում։
Թեհրանը տեղի ունեցածը որակել է որպես միջազգային իրավունքի խախտում և Կիևին մեղադրել հակամարտության հետագա սրման մեջ։
Բաց մի թողեք
Անօդաչու թռչող սարքերը հարձակվել են Վորոնեժի մարզի վրա
Պուտինը ցանկանում է ՆԱՏՕ-ն հետ մղել 1997 թվականի դիրքերին Ուկրաինայում խաղաղության դիմաց․ «The Telegraph»
«Իրանը մեր հանդեպ ավելի հարգալից է, քան Թուրքիան․․․». Բաքվի արձագանքը