Լավրով․ «ՆԱՏՕ-ի և ԵՄ-ի երկրները փորձում են նախապես «լվանալ» իրենց պատասխանատվությունը»

ՆԱՏՕ-ի և Եվրամիության երկրները փորձում են նախապես հրապարակայնորեն «ազատվել պատասխանատվությունից» Ուկրաինային ռազմական օգնություն ցուցաբերելու համար։ Այս մասին ՌԴ ԱԳ նախարար Սերգեյ Լավրովը հայտարարել է Պավել Զարուբինին տված հարցազրույցում։

ՌԴ ԱԳ նախարարը նշել է, որ Մոսկվան իրավունք ունի եվրոպական երկրների ազդեցությունը Ռուսաստանի տարածքին հասցվող հարվածների վրա դիտարկել որպես պատերազմի մասնակցություն։

«Մենք հաշվի ենք առնելու այն ամենը, ինչ այժմ անում են Մեծ Բրիտանիայի, Բրյուսելի, Փարիզի, Բեռլինի և ՆԱՏՕ-ի ու ԵՄ-ի մյուս երկրների բացահայտ ռուսատյաց վերնախավերը։ Ուստի նրանք գիտեն, թե ինչով են զբաղվում, և փորձում են դրանից, ինչպես մեզ մոտ են ասում, հրապարակայնորեն նախապես «պրծնել»։ Չի ստացվի»,– ասել է Լավրովը։