Գյումրու կենտրոնական փողոցներից մեկում՝ Տերյան փողոցում, այսօր արտակարգ դեպք է գրանցվել։ BMW մակնիշի ավտոմեքենան հանկարծակի պայթել է՝ ամբողջությամբ վերածվելով ջարդոնի։
Պայթյունի հետևանքով վնասվել է նաև փողոցում գտնվող կահույքի խանութը․ կոտրվել են դրա ապակիները։
Ականատեսների պատմելով՝ պայթյունն այնքան ուժգին է եղել, որ առաջին պահին այն տպավորությունն է ստեղծվել, թե մեքենայի վրա պայթուցիկ է նետվել։ Մեքենան ամբողջությամբ վնասված վիճակում է հայտնվել, սակայն, ըստ ականատեսների, վարորդին հրաշքով հաջողվել է դուրս գալ ավտոմեքենայից։
Դեպքի վայր ժամանած շտապօգնության մեքենան վարորդին տեղափոխել է բուժհաստատություն։ Նախնական տեղեկություններով՝ նրա կյանքին վտանգ չի սպառնում։
Պայթյունի պատճառը դեռևս հայտնի չէ։ Ականատեսների փոխանցմամբ՝ հնարավոր պատճառներից մեկը կարող է լինել մեքենայում տեղադրված գազի բալոնի պայթյունը։
Բաց մի թողեք
Արտակարգ դեպք, Գյումրիում «Mercedes» է պայթել․ Լուսանկար
Պայմանագրային զինծառայող է վիրավորվել Հալիձորում «Opel»-ի գլխիվայր երթևեկելի գոտուց դուրս հայտնվելուց հետո. Լուսանկար
Վթար՝ Կոտայքում, 60-ամյա վարորդն «Opel»-ով մոտ 200 մետր գլորվել ու հայտնվել է ձորում. Լուսանկար