Առավոտյան ժամը 9։15 ֊ին Մեղրի համայնքի ղեկավար Խաչատուր Անդրեասյանին աշխատավայրից հակակոռուպցիոնի աշխատակիցները նստեցրել են մեքենան ու տարել։
Ըստ տեղեկությունների՝ նրան տեղափոխել են Երևան` հակակոռուպցիոն կոմիտե։
Նրա դեմ հիշեցնենք, դիմում էր ներկայացրել նախկին համայնքապետ Բագրատ Զաքարյանը` յուրացումների ու չարաշահումների մասին։
Մեր աղբյուրների փոխանցմամբ՝ Անդրեասյանի ձերբակալության պատճառների թվում մեկը համացանցում տարածված ձայնագրությունն է, որում Մեղրիի համայնքապետը հայհոյանքներ է հնչեցնում վարչապետ Նիկոլ Փաշինյանի հասցեին։
Միաժամանակ, մեր տեղեկություններով, իրավապահների ուշադրության կենտրոնում է նաև դիզվառելիքի հնարավոր յուրացման հետ կապված հանգամանքը։
Ըստ աղբյուրների` իրավապահների ուշադրության կենտրոնում է հայտնվել մաքսանենգ ճանապարհով դիզվառելիքի յուրացման խոշոր դեպք, որն իբրև առնչվում է համայնքապատի շրջապատի հետ։
Հակակոռուպցիոն կոմիտեից մեզ փոխանցում են.
«Ի պատասխան հաստատում ենք, որ կաշառք տալու և ստանալու դեպքերի առթիվ ՀՀ հակակոռուպցիոն կոմիտեում նախաձեռնված քրեական վարույթի շրջանակում ձերբակալվել են 8 անձինք, այդ թվում՝ Մեղրի համայնքի ղեկավարը և Էկոպարեկային ծառայության Սյունիքի մարզային ստորաբաժանման ղեկավարը: Նախաքննության շահերից ելնելով՝ այլ տեղեկատվություն չենք կարող հայտնել»:
Բաց մի թողեք
Գեղարքունիքի մարզպետարանի կրթության վարչության պետը և դպրոցներից մեկի տնօրենը կալանավորվել են
46 և 25-ամյա տղամարդիկ ստեղծել են քրեական ենթամշակույթ կրող խմբավորում, կատարել տարբեր հանցագործություններ
Երևանում 33-ամյա տղամարդը բեռնախցիկից վերցրել է հրազենի նմանվող առարկա և հետապնդել մեկ այլ անձի