Վճռաբեկ դատարանը մերժել է Գորիսի առաջիկա ընտրություններում ՔՊ համայնքապետի թեկնածու Առուշ Առուշանյանի պատիժն ազատազրկմամբ փոխարինելու Գլխավոր դատախազության բողոքը, որոշումն արդեն օրինական ուժի մեջ է մտել, «Հրապարակ»-ին տեղեկացրին դատարանից։
Վճռաբեկ դատարանը դատախազության բողոքը չի ընդունել վարույթ, հետեւաբար օրինական ուժի մեջ է մտել Վերաքննիչ դատարանի որոշումը։
Հիշեցնենք, որ պրոբացիայի ծառայությունը դիմել էր Հակակոռուպցիոն դատարան՝ պահանջելով Առուշանյանի նկատմամբ սահմանված պատիժը փոխարինել ազատազրկմամբ, սակայն առաջին ատյանի դատարանը մերժել էր միջնորդությունը։ Դատախազությունը որոշումը բողոքարկել էր Հակակոռուպցիոն վերաքննիչ դատարան, որն անփոփոխ էր թողել դատարանի ակտը: Իսկ Վճռաբեկ դատարանի վերջին որոշմամբ դատական գործընթացն, ըստ էության, ավարտվեց:
Բաց մի թողեք
Երևանի Կապույտ մզկիթը հայ-իրանական է եղել և այդպիսին էլ կմնա․ Իրանի դեսպան. Լուսանկար
Հարգելի փաստաբաններ, երբ ձեզ դիմում են լրատվամիջոցներին դատի տալու խնդրանքներով, մի տրվեք փող աշխատելու գայթակղությանը
Փաշինյանը խուճապի մեջ է, քանի որ պարտվում է Ալիևի սահմանադրությունն ընդունելու հարցում