Աղոթքի նախաճաշը՝ ոմանց ոգևորությունը

Ռուբեն եպիսկոպոս Զարգարյանը ֆեյսբուքյան իր էջում գրել է.

«Աղոթքի նախաճաշը՝ ոմանց ոգևորությունը

Հատված երանաշնորհ Գևորգ Զ Չորեքչյան կաթողիկոսի «Վատիկանը և Պրավոսլավ եկեղեցին» բանախոսությունից, 10 հուլիս 1948 թ․

«․․․Մեր օրերում էլ․․․ Սովետական Հայաստանի, Հայ ժողովրդի ու Հայ ազգային Եկեղեցու դեմ գործում է հակասովետական գործառնությանց մեջ փորձառու կարդինալ Աղաջանյանը, որը ծնվել է Ախալցխայում և 1919-1921թ․ պապական Փոխանորդ է եղել Վրաստանում։ Պիոս ԺԲ֊ի այս սիրելի կարդինալը հայտնապես հանդես է գալիս ընդդեմ Հայ Ժողովրդի Հայրենադարձության մեծ ու մարդասեր գործի և Թուրքիայի կողմից բռնատիրված հայկական վիլայեթները Հայկա¬կան Սովետական Հանրապետությանը կցելու արդար պահանջի։

Հայրենիքի կարոտը քաշող հայ տարագիրներին կազմալուծել կրոնապես և դիմազրկել ազգայնապես- ահա կարդինալ Աղաջանյանի ծրագիրը։ Հռոմեական-կաթոլիկ Եկեղեցուն կրոնական հավատորսության համար հարկավոր են մուրացիկ ու իրավազուրկ, հույսի ու լույսի հեռանկարներից զուրկ և տառապանքի ենթակա մասսաներ։ Նույն այդ մուրացիկ և իրավազուրկ մասսաները պետք են նաև Մերձավոր Արևելքի նավթի մագնատներին ու ստրկական աշխատանքի վարձակալներին-ահա սրանք են Հռոմեական-կաթոլիկ Եկեղեցու և նորա հավատարիմ սպասավորի հակասովետական ու հակահայկական ագիտացիայի նպատակները։

Հայ ժողովրդի ու նորա ազգային եկեղեցու հավատարիմ զավակները, Ս. Էջմիածնի Ծայրագույն Պատրիարք-Կաթողիկոսի գաղութահայ աչալուրջ ներկայացուցիչները,
անձնվիրաբար պայքարում ու պաշտպանում են ազգային եկեղեցու ազատությունն ու անկախությունը և տարագիր ազգայինների Հայրենադարձության սրբազան իրավունքը։

Հայ Ժողովուրդը, իր տառապալից ու ողբերգական դարավոր անցյալում, շատ բան է տեսել և, սակայն, միշտ էլ հերոսաբար պաշտպանել է իր կրոնական ազատության և ազգային-եկեղեցական անկախության նախածին սրբազան իրավունքը։ Հռոմեական-կաթոլիկ Եկեղեցուն, չնայելով նորա տնտեսական ու քաղաքական հզորության և որոշ պետությունների կողմից նորան ցույց տրվող բացարձակ օգնության, երբեք չի հաջողվել և երբեք էլ չի հաջողվի հանել Հայ Ժողովրդին իր ազգային-առաքելական անկախ եկեղեցու ծոցից․․․» («Էջմիածին» ամսագիր, հուլիս-օգոստոս-սեպտեմբեր, 1948թ․, էջ 14)»։