Աբովյանի առաջիկա ՏԻՄ ընտրություններին հայտ ներկայացրած գործարար Արթուր Հարությունյանի՝ Պալաչի փաստաթղթերի հետ կապված գրել էինք, որ խնդիրներ կան, ինչը հնարավոր է խանգարի թեկնածուի առաջադրմանը։
Հարությունյանը չի համապատասխանում հունիսի 7-ի ընտրություններից հետո փոփոխված օրենսդրության պահանջին, համաձայն որի` թե՛ ընտրողը, թե՛ ընտրվողը վերջին 2 տարում առնվազն 366 օր պետք է ապրած լինի ՀՀ-ում։ Համապատասխան տեղեկանք ստանալու համար Հարությունյանը դիմել է անձնագրային, երեկ գործարարի մտերիմներից տեղեկացանք, որ անձնագրայինը պահանջվող տեղեկանքը չի տրամադրել՝ անհամապատասխանության պատճառով:
Եվ Հարությունյանը դիմել է վարչական դատարան։ Աբովյանի ՏԻՄ ընտրություններում առաջադրման վերջնաժամկետը նոյեմբերի 8-ն է, ըստ ամենայնի, դատարանը կձգձգի ու մինչ այդ չի քննի դիմումը։ Երեկ գործարարը չցանկացավ պատասխանել մեր հարցերին, նեղացել է, որ իրեն մականունով ենք ներկայացնում։
Հիշեցնենք, որ Ընտրական օրենսգրքի այդ փոփոխությունը ընդդիմադիրները վիճարկել են Սահմանադրական դատարանում, քննությունը նշանակված է դեկտեմբերի 22-ին` ՏԻՄ ընտրությունների ավարտից հետո, ինչը վկայում է, որ ապօրինի փոփոխությունը չի չեղարկվելու։
Այս փոփոխության վրա է իշխանությունների հույսը` որ կկարողանան սահմանադրական հանրաքվեի համար անհրաժեշտ քվորումն ապահովել` անցողիկ շեմը սրա արդյունքում 650 հազարից իջնում է մինչեւ 500 հազար: Այդքան մարդ պետք է մասնակցի հանրաքվեին, որ հանրաքվեն կայացած համարվի:
Բաց մի թողեք
Ընդդիմությունը թող մանդատները դնի` Փաշինյանին կմնա մութ սենյակում կատու բռնելը
Ձախողում` բոլոր ոլորտներում
Բոլորն այս խնդրի մասին են խոսում, բացի առողջապահության նախարարությունից