«Միշտ պետք է հիշենք, որ այս ծրագրերում Երևանի քաղաքապետարանը որևէ պարտավորություն չունի, սա բարի կամքի դրսևորում է, երևանցիների անվտանգության խնդրի լուծում եմ ես համարում»:
Այս մասին Երևանի քաղաքապետարանի գործակարգավարական խորհրդակցության ժամանակ հայտարարել է Երևանի քաղաքապետ Տիգրան Ավինյանը՝ անդրադառնալով Արզումանյան փողոցի 4-րդ կարգի վթարային շենքերի բնակիչների խնդրին։
«Բնակիչները դեմ են այս գործընթացին, խոսքը 4-րդ կարգի ռիսկայնության շենքի մասին է, որը չգիտես՝ երբ կփլվի, բայց որ կփլվի, վստահաբար: Այդ բնակարանների արժեքը 0-ին մոտ է, զրո արժեք ունեցող բնակարանների համար Երևանի քաղաքապետարանը նախագծել է ծրագիր, որով բնակիչներին միաժամանակ վարձի գումար է փոխհատուցվելու, որից հետո նույն տեղում կառուցված շենքում նույն բնակիչներին արդեն արժեքավոր բնակարաններ են տրամադրվելու»,- ասաց նա։
Ավինյանը նաև նշեց, որ այս գործընթացի ձգձգման դեպքում հնարավոր է, որ քաղաքապետարանն առհասարակ հրաժարվի այդ ծրագրից։
Բաց մի թողեք
Կոմիտասի պողոտայում բախվել են երեք ավտոմեքենաներ․ հոսպիտալացվածներ կան. Լուսանկար
Ինձ մնում է միայն հիշեցնել. Սուրենյանը վարորդներին ուղղված գրառում է արել և լուսանկար հրապարակել
Հարյուր քաղաքացիներ փակել են Մխչյանի երկաթգիծը՝ բողոքի ցույց են անում․ Լուսանկար