Գյումրու համայնքապետի պաշտոնակատար Սարիկ Մինասյանը սոցցանցի իր էջում հայտնում է, որ առաջիկա օրերին կհայտնի իր դիրքորոշումը ստեղծված իրավիճակի և հետագա քայլերի վերաբերյալ:
«Հարգելի՛ գյումրեցիներ, սիրելի՛ համաքաղաքացիներ,
կիսում եմ ձեր անհանգստությունը, նաև շնորհակալ եմ ընտրական գործընթացում և հետընտրական այս խառը իրավիճակում ձեր հավատարմության և աջակցության համար:
Այս օրերին ինձ շատ եք հարցնում քաղաքական վերադասավորումների և հնարավոր զարգացումների մասին:
Առաջիկա օրերին կհայտնեմ դիրքորոշումս ստեղծված իրավիճակի և իմ հետագա քայլերի վերաբերյալ»,- սոցցանցի իր էջում գրում է Մինասյանը:
Հիշեցնենք՝ Գյումրու ՏԻՄ ընտրությունների արդյունքներով որևէ քաղաքական ուժի չի հաջողվել հավաքել 50+1 տոկոս անհրաժեշտ քվեները, և առանց դաշինքներ ու կոալիցիաներ կազմելու հնարավոր չէր լինելու ստանձնել քաղաքի կառավարումը:
Արդյունքների ամփոփումից հետո «Մայր Հայաստան» դաշինքը հայտարարել է, որ պատրաստ է իր ձայնը տալ առավելագույն քվեներ ստացած ընդդիմադիր ուժին՝ Վարդան Ղուկասյանին:
«Իմ հզոր համայնք»՝ կուսակցության Գյումրի համայնքի ավագանու ցուցակի քաղաքապետի թեկնածու Ռուբեն Մխիթարյանն էլ իր հերթին է հայտարարել, որ պատրաստ է ավագանու կազմով քվեարկել Վարդան Ղուկասյանի օգտին։
Մարտուն Գրիգորյանը ևս պաշտոնապես հայտնել է, որ որոշում է կայացրել և անհրաժեշտ քանակությամբ քվե կտա Վարդան Ղուկասյանին, որպեսզի նա ընտրվի Գյումրու քաղաքապետ։
Բաց մի թողեք
Ուրախ էինք Հայաստանում ողջունել ամերիկյան տեխնոլոգիական ընկերությունների ղեկավարներին. ԱՄՆ դեսպանություն
«Ուժեղ Հայաստան» կուսակցության վարչապետի թեկնածուն Սամվել Կարապետյանն է
Հայաստանն ու Իրանը նախատեսում են ռազմավարական համագործակցության համապարփակ փաստաթուղթ ստորագրել․ դեսպան