ԵԱՏՄ-ից դուրս գալը նպատակ չէ, լրագրողների հետ զրույցում հայտարարել է վարչապետ Նիկոլ Փաշինյանը։ Բայց, մյուս կողմից, ինչպես նշել է նա, ԵՄ անդամ դառնալն է նպատակ։
«Մենք հասկանում ենք, որ ԵՄ-ի ու ԵԱՏՄ-ի միաժամանակյա անդամակցությունը հնարավոր չէ, մենք հասկանում ենք որ կա ինչ-որ մի կետ, երբ պետք է որոշում կայացնել, բայց այսօր այդ կետը չէ, այսօր նման որոշում կայացնելու անհրաժեշտություն չկա»,- ասել է նա։
Փաշինյանը նշել է, թե երբ հասկանան, որ Հայաստանը համապատասխանում է ԵՄ-ի չափանիշներին, այդ ժամանակ կդիմեն, որ անդամագրվեն ԵՄ-ին։
«Երբ մենք դիմենք, երկու տարբերակ կա՝ կա՛մ մեզ կընդունեն, կա՛մ չեն ընդունի, ընդ որում, կարող է ԵՄ-ն որոշի, որ այլևս չի ուզում ընդլայնվել։ Մեր պլանի էությունն այն է, որ երբ հասնենք այդ կետին՝ անկախ նրանից, մեզ կընդունեն ԵՄ, թե չեն ընդունի, մենք շահած դուրս գանք»,-ընդգծել է նա։
Վարչապետն ասել է, որ Հայաստանը ԵՄ-ի հետ հարաբերությունները չի զարգացնում ի հեճուկս Ռուսաստանի կամ ԵԱՏՄ-ի։
Բաց մի թողեք
Չեմ մտածում՝ Հայաստանում էդքան «շուն ու շանգյալ» ընտրող կա ․․․
Հեղինակը, հուսանք, զերծ կմնա կեղծ թեզերի տարածումից, հանրային գրառմամբ կհերքի իր թյուրիմացությունը․ ԱԳՆ
Մենք հրավիրում ենք Թուրքիային դառնալու գործընկեր. Ալեն Սիմոնյանի ելույթը Թուրքիայում