2025թ. մարտի 29-ի «Պապիկյանի ազաբբաշին վերահսկում է զինվորականներին» մեր հրապարակումը շատ էր զայրացրել հրապարակման հերոսին` Սուրեն Պապիկյանի ընկերոջը եւ օգնականին` Արմեն Ղալեչյանին:
Թեեւ մենք ընդամենը գրել էինք, որ նա վերահսկողություն է իրականացրել զինվորականների ատեստացիայի նկատմամբ` չունենալով դրա իրավունքն ու փորձառությունը: Ղալեչյանը, որը դրանից առաջ Երեւանի ավագանու ՔՊ-ական անդամ է եղել, մեր հրապարակումից հետո դիմեց դատարան` պահանջելով 1 միլիոն դրամ փոխհատուցում, հերքում եւ այլն: Հայցվորն այնքան վստահ էր հաղթանակի մեջ, որ անգամ դատարան չէին բարեհաճում գալ` ո՛չ ինքը, ո՛չ ներկայացուցիչը: Իսկապես` առաջին ատյանի դատարանը հօգուտ հայցվորի վճիռ կայացրեց` մեզ պարտավորեցնելով հերքում հրապարակել եւ մասնակի փոխհատուցում վճարել:
Մենք դիմեցինք Վերաքննիչ դատարան եւ երեկ ուրախությամբ տեղեկացանք, որ վերաքննիչը` Իվան Բաղմանյանի նախագահությամբ, ամբողջությամբ բեկանել է առաջին ատյանի վճիռը եւ հօգուտ «Հրապարակի» որոշում կայացրել` արձանագրելով, որ առաջին ատյանի դատարանը սխալվել է` մեր հրապարակման մեջ չկա զրպարտության եւ վիրավորանքի որեւէ նշույլ: Մեր շահերը բարեխղճորեն եւ պրոֆեսիոնալ պատասխանատվությամբ դատարանում ներկայացնում էր փաստաբան Միքայել Ահարոնյանը:
Բաց մի թողեք
Գեղամ Գեւորգյանը պաշտպանում է ռուսական ընկերության շահերը
Դատավորները կրկին ժողով են անելու
Նախիրը ցնծում է, օտար նախրչիները օրինակելի փորձն են ուսումնասիրում