Այսօր՝ մարտի 25-ին, խոշոր ու ողբերգական ավտովթար է տեղի ունեցել Արարատի մարզում:
Ժամը 08:30-ի սահմաններում Մասիս քաղաքի սկզբնամասում Արարատյան փողոցում Արարատի մարզի բնակիչ 34-ամյա Տիգրան Մ.-ն իր վարած «Mitsubishi» մակնիշի ավտոմեքենայով դեռևս անհայտ հանգամանքներում բախվել է երկաթե էլեկտրասյանը, ապա քարով բարձված «ԶԻԼ» մակնիշի բեռնատարին:
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով «Mitsubishi»-ի վարորդը տեղում մահացել է:
Նրա դին ավտոմեքենայից դուրս են բերել օպերատիվորեն ժամանած ՀՀ Ներքին գործերի նախարարության Փրկարար ծառայության Մասիսի թիվ 25 հրշեջ-փրկարարական ջոկատի փրկարարները՝ օգտագործելով հատուկ տեխնիկա:
Օպերատիվորեն ժամանել են նաև Մասիսի բժշկական կենտրոնի շտապօգնության բժիշկների հերթապահ խումբը, ովքեր արձանագրել են նրա մահը:
Վթարի փաստով Մասիսի քննչական բաժնում նախաձեռնվել է քրեական վարույթ, որտեղ էլ պարզվում է «ԶԻԼ»-ի վարորդի և ավտոմեքենայի սեփականատիրոջ ինքնությունը:
Ֆոտոլրագրողը հայտնում է , որ դեպքի վայրում հավաքվածներն ասում էին, որ մահացածը վարորդը «Սեքյուրիթի դրիմ» ընկերության աշխատակից էր, սակայն նրա հագին եղել է ոստիկանության ծառայողի հագուստ, եթե դա իսկապես այդպես է, «Սեքյուրիթի դրիմ» ընկերությունը հետևաություններ պետք է անի, թե ինչն է պատճառը, որ իր աշխատակիցը ոստիկանի համազգեստ է կրել:
Բաց մի թողեք
Ու ամենամեծ ցինիզմն էլ այն է, որ հունվարի 2-ին ՀՀ-ում որևէ մասնաճյուղի վթար չլինելը հպարտությամբ ներկայացնում են, որպես մեծ ձեռքբերում
Բուդանովին նշանակել է աշխատակազմի նոր ղեկավար․ Ուկրաինան հրամայել է՝ ռուսական զորքերի առաջխաղացման պատճառով, տարհանել 3000 երեխաների և ծնողների երկու շրջաններից
Առատ ձյան տեղումների հետևանքով հոսանքազրկված են բազմաթիվ բնակավայրեր