«Վերջակետը դրվեց մի քանի ամիս առաջ սկսված սահմանադրական հեղաշրջման, ավարտվեց Եվրոպայից դեպի Ռուսաստան մեկնարկած երթը»,- հայտարարել է Վրաստանի նախագահ Սալոմե արձագանքելով «Վրացական երազանք»-ի որոշմանը, ըստ որի՝ Վրաստանի կառավարությունը հրաժարվում է Եվրամիության հետ բանակցություններ սկսել մինչև 2028 թվականի ավարտը:
Զուրաբիշվիլիի խոսքով՝ ոչ լեգիտիմ իշխանությունը պատերազմ է հայտարարել սեփական ժողովրդին, և նրանք, ովքեր նախկինում կասկածներ ունեին «Վրացական երազանք»-ի դիրքորոշման վերաբերյալ, այսօր այդ կասկածները փարատեցին:
«Այսօր այս ոչ լեգիտիմ իշխանությունը հայտարարել է ոչ թե խաղաղություն, այլ պատերազմ սեփական ժողովրդի, իր անցյալի ու ապագայի, մեր ապագայի դեմ, քանի որ այդ ճանապարհին չկա Վրաստանի պետականություն, չկա անկախություն, չկա ապագա, բացի Ռուսաստանից»,- ասել է Սալոմե Զուրաբիշվիլին։
Ավելի վաղ հայտնել էինք, որ Վրաստանի վարչապետ Իրակլի Կոբախիձեն ճեպազրույցի ժամանակ տեղեկացրել էր, որ Վրաստանի կառավարությունը հրաժարվում է Եվրամիության հետ բանակցություններ սկսել մինչև 2028 թվականի ավարտը, նար հրաժարվում է դրամաշնորհներից։
Բաց մի թողեք
Լատվիան ավարտել է Ռուսաստանի Դաշնության հետ սահմանին ցանկապատի կառուցումը․ Լուսանկար
Իրանում բողոքի ցույցերը վերածվել են անկարգությունների և բախումների. Լուսանկար
Պուտինը զորահավաք է հայտարարել՝ ազգային փոքրամասնություններին քշելու են պատերազմ