Նոյեմբերի 8-ին խարդախության դեպք է տեղի ունեցել Արագածոտնի մարզում։
Ժամը 13։50-ի սահմաններում ՀՀ ներքին գործերի նախարարության ոստիկանության համայնքային ոստիկանության գլխավոր վարչության Աշտարակի բաժին է դիմել Արագածոտնի մարզի բնակիչ 33-ամյա Կիմ Կ․-ն և հայտնել, որ 2018 թվականին իր մասնակցությամբ տեղի ունեցած վթարի ժամանակ ինքը ընդունել է իր մեղավորությունը և «Ինգո Արմենիա» ապահովագրական ընկերությունը իր նկատմամբ որոշում է կայացրել, սակայն տարիներ անց «Ինգո Արմենիա» ապահովագրական ընկերությունը դիմել է դատարան՝ փոխհատուցված 929.000 դրամ գումարը հետ գանձելու նպատակով՝ պատճառաբանելով, որ ինքը վթարի վերաբերյալ իրենց տեղյակ չի պահել, սակայն տեղյակ է պահել մյուս վարորդի հեռախոսով:
Գրավոր դիմել են նշված ապահովագրական ընկերությանը՝ պահանջելով, որ տրամադրեն վթարի օրվա հեռախոսային խոսակցությունների ձայնագրությունները՝ սակայն ապահովագրական ընկերությունը չի տրամադրել դրանք՝ փորձելով իրենից խաբեությամբ գումար հետ գանձել:
Ինչպես հայտնում է ֆոտոլրագրող Գագիկ Շամշյանը, ոստիկանության Աշտարակի բաժնի ծառայողների կողմից կատարվում են աշխատանքներ՝ դեպքի հանգամանքները պարզելու ուղղությամբ։
Դեպքի փաստով ոստիկանության Աշտարակի բաժնում փաստաթղթեր են կազմվել, որոնք փոխանցվել են ՀՀ Քննչական կոմիտեի Արագածոտնի մարզային քննչական վարչություն:
Բաց մի թողեք
Հայաստանի հետ հարաբերություններում առաջ շարժվելու համար նախ անհրաժեշտ է համաձայնության գալ Ադրբեջանի հետ. Թուրք նախարար․ Լուսանկար
Ողբերգական դեպք, Հրազդան գետում մաhացած հայտնաբերվել է 44-օրյա պատերազմում նաhատակված Գոռ Երմալովյանի քույրը. Լուսանկար
Ինչ արժե Ձմեռ պապիկի և Ձյունանուշի այցելությունը բնակարան տոնական օրերին և հատկապես Ամանորի գիշերը