Եվրամիությունը դրական է գնահատում Վաշինգտոնում օգոստոսի 8-ին տեղի ունեցած հանդիպումները և այդ իրադարձություններից հետո պատրաստակամություն է հայտնել աջակցելու տարածաշրջանային խաղաղությանն ու համագործակցությանը։
Այս մասին հայտնել է Հայաստանում ԵՄ պատվիրակության ղեկավար Վասիլիս Մարագոսը։
Նրա խոսքով՝ Եվրամիությունը պատրաստ է օգտագործել իր բոլոր գործիքներն ու հնարավորությունները ոչ միայն առանձին ծրագրերի շրջանակում, այլև «Խաղաղության խաչմերուկ» նախաձեռնությանն աջակցելու համար, որը ԵՄ-ն ողջունել էր դեռևս երկու տարի առաջ։ Մարագոսը նշեց, որ ԵՄ-ն միշտ հետևողական է եղել տարածաշրջանում խաղաղության հաստատման հարցում և ուրախ է, որ դրական զարգացումներ են նկատվում։
Դեսպանը շեշտեց, որ դեռ շատ հարցեր կան հստակեցնելու, սակայն ԵՄ-ն պատրաստ է շարունակել համագործակցությունը Հայաստանի կառավարության և ժողովրդի հետ՝ որպես հուսալի գործընկեր՝ աջակցելով երկրի կայունությանն ու զարգացմանը։
Բաց մի թողեք
Տարվա սկիզբը պայթյունով. Գերմանիայի Նոր տարվա հրավառությունը և ավանդույթը վերածվում է տրավմայի. Լուսանկարներ
Տոկաևը մերժում է Նազարբաևի միջնորդությունն ու Պուտինի դեմ քարոզչական «հակագրոհ է կազմակերպում»
Թրամփը սպառնացել է Իրանին ավելի շատ հարվածներ հասցնել, եթե երկիրը վերսկսի իր միջուկային ծրագիրը