Ես սովորաբար խուսափում եմ կանխատեսումներ անելուց, որովհետև Նիկոլ Փաշինյանի դեպքում դա շատ անշնորհակալ գործ է` անգամ ինքը երևի հաճախ չգիտի, թե ինչ տրամադրությամբ է այդ օրն արթնանալու և ինչ «անակնկալ» է մատուցելու իր թիմին ու ժողովրդին:
Բայց այս անգամ ներքին ձայնս ճիշտ էր հուշել, որ «խայտառակվել, ուրեմն խայտառակվել մինչև վերջ» օպերացիայի հետ գործ ունենք:
Ոսկե ձկնիկի պառավին հիշում եք, չէ՞: Էլ չի ուզում լինել թագուհի, ուզում է դառնալ ծովերի տիրուհի… հիմա մարդը մտել է մի ավանտյուրայի մեջ` որոշել է հպատակեցնել Եկեղեցին, ինչպես հպատակեցրել է բոլոր կառույցներն ու կամակատարներ նշանակել ամենուր … և սկսել է մի խաղ, որտեղ հաստատ պարտվելու է ու կորցնելու է իրեն համակրող բանակի աջակցության վերջին փշրանքները: Այս դեպքում ինքն է իր թշնամու դերում հանդես գալիս:
Ինքն իր համար նահանջի տեղ ուղղակի չի թողել, ուստի ստիպված է շարունակել իրեն կործանող այս խաղը, որը մտել է մի փուլ, որտեղ նրա հակառակորդներն արդեն անելիք չունեն` ինքն իրեն է ոչնչացնում… նրանցից մի բան է հասնում` չխանգարել, թույլ տալ, որ այդ գործն ավարտին հասցնի, ուստի պետք է ստիպել, որ հաջորդ շաբաթ էլ կրկնի «կեղծ պատարագ» օպերացիան, որ ֆիասկոն կատարյալ լինի…
Եվ նորից ուզում եմ ասել` մենք թերագնահատում ենք մեր ժողովրդին, իսկ նա պարբերաբար ցույց է տալիս իր խելամտությունը, վճռական պահերին ճիշտ կողմնորոշվելու ունակությունը… ճիշտ է` մեր ժողովուրդը նաև միամիտ է ու ներողամիտ, պատրաստ է սխալվողին շանս տալ ուղղվելու, դյուրահավատ է ու երբեմն հավատում է կեղծ խոստումներին, բայց այս անգամ նա իր որոշումը կայացրել է… ՔՊ-ի համար ժամացույցն արդեն միացված է…
Արմինե Օհանյանի ֆեյսբուքյան էջից
Բաց մի թողեք
Արժանապատիվ հայորդիները հետապնդվում են իրենց տեսակի, պայքարի, ժողովրդի ու հայրենիքի կողքին լինելու համար
Սթափվե՛ք, քանզի ձեր հարվածները ոչ թե դուռն են վնասում, այլ ձեր սերունդների ապագա խաղաղությունն ու օրհնությունը
Իշխանությունը, որն այլևս ժողովրդի հետ ներքին կապ չունի, Կաթողիկոս ինչու պետք է ունենա