Եթե իրականում ուզում եք լինի իշխանափոխություն, պետք է լինի ընդդիմափոխություն:
Այս մասին Առաջին ալիքի եթերում՝ Պետրոս Ղազարյանի հետ հարցազրույցի ժամանակ, ասաց Ժողովրդավարական համախմբում կուսակցության նախագահ Սուրեն Պետրոսյանը:
Պետրոս Ղազարյանի դիտարկմանը՝ թե եղել է ընդդիմափոխություն, քանի որ Գալստանյանը ոչ ՀՀԿ անդամ է, ոչ՝ ՀՅԴ, Պետրոսյանը ընդգծեց. «Ոչ, բացարձակապես, ընդդիմափոխություն տեղի չի ունեցել»:
Ըստ Պետրոսյանի, խորքային ճգնաժամը հաղթահարելու համար, նախկին-ներկա անբովանդակ քաղաքական օրակարգը պետք է ամեն գնով հաղթահարվի:
«Նախ ընդդիմափոխությունը լինում է ինստիտուցիոնալ, երկրորդ, Բագրատ սրբազանը, ինչպես բնորոշել է Միքայել արքեպիսկոպոս Աջապահյանը իմ կարծիքով շատ ճիշտ, լավ հոգևորական է, բայց որպես քաղաքական գործիչ բազմաթիվ սխալներ են եղել: Այո, ինքը դա առաջնորդել է, բայց այնտեղ խորքային ներգրավվածություն են ունեցել ուժեր, որոնց ներգրավվածությունը, պրոցեսի վրա ազդեցությունն ինձ համար եղել է կարմիր գիծ, կա և կմնա, որովհետև, եթե նույնիսկ փոփոխություն լիներ այդ պարագայում, որը տեսականորեն նույնիսկ հնարավոր չէր, պառլամենտական ընդդիմությունը ներգրավված լինի քաղաքական գործընթացում, հնարավոր չէ, որ փոփոխություն լինի:
Եթե նույնիսկ լինի, այդ փոփոխությունն ինձ համար ամենակարմիր գծերից մեկն է, որվհետև բովանդակային որևէ փոփոխություն չի լինում: Նիկոլ Փաշինյանը ձեր իշխանությանն է: Մենք անընդհատ խոսում ենք, որ սա պայքար է ստի դեմ, համերաշխության մասին է, ինչո՞ւ ենք վախենում ճշտի մասին խոսել»,- ասաց Պետրոսյանը:
Բաց մի թողեք
Արժանապատիվ հայորդիները հետապնդվում են իրենց տեսակի, պայքարի, ժողովրդի ու հայրենիքի կողքին լինելու համար
Սթափվե՛ք, քանզի ձեր հարվածները ոչ թե դուռն են վնասում, այլ ձեր սերունդների ապագա խաղաղությունն ու օրհնությունը
Իշխանությունը, որն այլևս ժողովրդի հետ ներքին կապ չունի, Կաթողիկոս ինչու պետք է ունենա