«Երևանցիները բազմիցս զգուշացրել են մեր աշխատակիցներին, որ մեր աշխատանքային ժամերից հետո՝ երեկոյան ժամերին, ինչ-որ անձինք ինչ-որ հեղուկներ են լցնում Մաշտոցի պողոտայի սոսիների տակ»:
Այս մասին Երևանի քաղաքապետարանի գործակարգավարական նիստի ժամանակ ասաց «Կանաչապատում եւ շրջակա միջավայրի պաշտպանություն» ՀՈԱԿ-ի տնօրեն Արմեն Բեգոյանը:
«Չորացած սոսիների բնաբաժակներում առկա հողը և նորմալ վիճակում գտնվող սոսիների բնաբաժակի հողը տվել ենք փորձաքննության Հոգագիտության ինստիտուտում, և լաբորատոր անալիզները ցույց են տվել, որ դրանք իրենց բաղադրությամբ տարբեր են. չորացածի դեպքում տարբեր մետաղների ու ազոտի քանակը մի քանի անգամ գերազանցում է, ինչն էլ պատճառ է հանդիսանում չորացման: Ուստի մեր մասնագետները կասկած են հայտնում, որ եղել է ինչ-որ միջամտություն, որ բերել է ծառերի չորացմանը»,- նշեց Բեգոյանը:
Արձագանքելով քաղաքապետ Տիգրան Ավինյանն ասաց՝ մարդիկ պետք է իրազեկված լինեն, որ նման արարքները ենթադրում են քրեական պատասխանատվություն. «Եթե խոսքը այն ծառատեսակներին վնաս տալու մասին Է, որ Մաշտոցի պողոտան են գեղեցկացնում, ամենավատ հանցագործություններից մեկն է, որ կարող է մարդու մտքով անցնել։ Երևանցիներին կոչ եմ անում նման դեպքերում դիմել մեզ, դիմել ոստիկանություն»։
Բաց մի թողեք
Մայրաքաղաքում բարդակ է, շտապ օգնությունը չի կարողանում մոտենալ հիվանդին, էլեկտրաէներգիա չկա
Իրանը հասկացնում է, որ միջուկային և հրթիռային ծրագրի հարցում ոչ մի նահանջ չի լինելու
Գեղարքունիքի դպրոցներից մեկում ուսուցչուհին անընդհատ ֆիզիկական բռնության է ենթարկել 5-րդ դասարանի աշակերտուհու