Տեղի է ունեցել Նիկոլ Փաշինյանի և Վլադիմիր Պուտինի հեռախոսազրույցը։
Կրմելից մանրամասներ են հայտնում, թե ինչ է խոսել Պուտինը ՀՀ վարչապետի հետ։
Նշվում է, որ զրույցի ընթացքում Պուտինը ՀՀ վարչապետին հայտնել է, թե Մոսկվան պատրաստ է այսուհետ ևս աջակցել Հայաստանին և Ադրբեջանին խաղաղության պայմանագրի մշակման հարցում, սահմանների սահմանազատման գործընթացի խթանման, ինչպես նաև տրանսպորտային և լոգիստիկ կապերի ապաշրջափակման գործում։
Երկկողմ օրակարգի շուրջ մտքերի փոխանակման ընթացքում հատկապես նշվել է առևտրատնտեսական փոխգործակցության դրական դինամիկան։
Պայմանավորվածություն է ձեռք բերվել շարունակել շփումները։
Ինչպես հայտնի է, շաբաթվա սկզբին Ռուսաստանի նախագահ Վլադիմիր Պուտինը Բաքվում բանակցություններ էր վարել Ադրբեջանի նախագահ Իլհամ Ալիևի հետ:
Խոսելով հայ-ադրբեջանական կարգավորման և խաղաղության պայմանագրի կնքման մասին՝ Պուտինը հայտարարել էր, թե ուրախ կլինի նշված թեմայի շրջանակում օգնելու համար և Ադրբեջան այցից հետո Նիկոլ Փաշինյանին կտեղեկացնի նախագահ Իլհամ Ալիևի հետ բանակցությունների արդյունքների մասին։
Բաց մի թողեք
Եղանակային պայմանների պատճառով հետաձգվել են դեպի Հայաստան մի շարք չվերթեր
Եթե լրատվամիջոցների կողմից ճնշում չլիներ, Միքայել Սրբազանի վիրահատությունը էլի ձգձգելու էին
Մահացել է ֆրանսիացի դերասանուհի Բրիժիտ Բարդոն․ Լուսանկար, Մտքեր