21/07/2024

Սպիտակի համայնքապետարանը նախազգուշացնում է՝ զգոն լինել․ անհայտ անձինք շրջում են համայնքներում

Սպիտակի համայնքապետարանը նախազգուշացնող հայտարարություն է տարածել ֆեյսբուքյան իր էջում․

«Սպիտակ համայնքի հարգելի՛ բնակիչներ, տեղեկացնում ենք, որ ըստ ստացված տեղեկությունների՝ անհայտ անձինք, ներկայանալով «Վորլդ վիժն Հայաստան» կազմակերպության անունից, շրջում են համայնքներում, հավաքագրում անձնական տեղեկություններ և անձը հաստատող փաստաթղթերի պատճեններ։ Հորդորում ենք զգոն լինել և առանց պաշտոնական տեղեկատվության՝ որևէ մեկին չտրամադրել անձնական տվյալներ պարունակող տեղեկություններ»։