Այսօր՝ մարտի 24-ին, Գյումրիում երիտասարդ քույրեր են դանակահարվել: Նախնական տեղեկություններով, 27 և 33 տարեկան աղջիկներն Անի թաղամասի բնակիչներ են:
Ժամը 15:00-ի սահմաններում նրանից մեկը «Գյումրի» բժշկական կենտրոն է տեղափոխվել շտապօգության միջոցով, մյուսը՝ ոստիկանության ծառայողի ուղեկցությամբ:
Աղջիկները ԲԿ են ընդունվել մարմինների տարբեր հատվածներում առկա կտրած-ծակած բազմաթիվ վերքերով:
«Հայկական ժամանակ»-ի հետ զրույցում «Գյումրի» բժշկական կենտրոնի փոխտնօրեն Արմեն Խաչատրյանն ասաց՝ երկուսն էլ վիրահատվել են:
«Աղջիկներից մեկի մոտ առկա էր որովայնի թափանցող վնասվածք, բարակ աղիների տարբեր հատվածների վնասում, հեմոպերիտոնեում, տրավմատիկ-հեմոռագիկ շոկ, մարմնի տարբեր մասերի կտրած-ծակած վերքեր։ Մյուսի մոտ կային աջից ազդրի և ձախից հետույքային շրջանի վնասվածքներ, դաստակի կտրած-ծակած բազմաթիվ վերքեր»,- ասաց Խաչատրյանը:
Վիրահատությունից հետո նրանցից մեկը դեռ վերակենդանացման բաժանմունքում է, մյուսին տեղափոխել են պալատ: Ներկա պահին քույրերի կյանքին դեռ վտանգ է սպառնում:
Բաց մի թողեք
Արյունալի հաշվեհարդար Մուրացանում՝ 20-ամյա զոհ և 15-ամյա վիրավոր․ նոր մանրամասներ. Լուսանկար
Երևանում սպшնվածը Ինդոնեզիայի քաղաքացի էր. մեղադրյալները նրա հայրենակիցներն են
Ձերբակալվել են ապօրինի զենք և զինամթերք պահելու ու կրելու մեջ կասկածվող երկու անձ․ Լուսանկար