«Իսկապես հուսով ենք, որ Հայաստանի և Ադրբեջանի միջև խաղաղության համաձայնագիրը կստորագրվի, և շոշափելի համաձայնագիր կլինի, և Վրաստանը պատրաստ է դրականորեն աջակցել այդ գործընթացին և նպաստել խաղաղության և կայունության հաստատմանը տարածաշրջանում»:
Այս մասին Երևանում ՀՀ վարչապետ Նիկոլ Փաշինյանի հետ համատեղ ասուլիսի ժամանակ ասաց Վրաստանի վարչապետ Իրակլի Կոբախիձեն:
«Շատ շնորհակալ եմ ջերմ ընդունելության համար, բարեկամության համար: Պետք է ասեմ, որ մենք դարեր շարունակ համագործակցել ենք և եղբայրական հարաբերություններ ենք ունեցել, ստորագրել ենք համագործակցության հռչակագիր և էլ ավելի բարձր մակարդակի ենք բարձրացրել մեր հարաբերությունները: Նպատակն է խորացնել համագործակցությունը, աջակցել խաղաղությանն ու կայունությանը, և այս հռչակագիրը հիմնված է մեր ընդհանուր սկզբունքների և արժեհամակարգերի վրա և արտահայտում է մեր աջակցությունը առ այդ արժեքներ»,- նշեց նա:
Այնուհետև վերջինս նկատեց. «Ես, իհարկե, արտահայտել եմ իմ երախտագիտությունը իմ գործընկեր վարչապետ պարոն Փաշինյանին: Նա աջակցում է Վրաստանի տարածքային ամբողջականությանը, ինչպես նաև ինքնիշխանությանը: Ես, իհարկե, առանց վերապահումների աջակցում եմ Հայաստանի տարածքային ամբողջականությանը»:
Վրաստանի վարչապետը ընդգծեց, որ երկու երկրների հարաբերությունները դինամիկ զարգանում են:
«Խոսեցինք համագործակցության մասին տարբեր ոլորտներում և տարբեր ձևաչափերով. լինի դա քաղաքականության մակարդակով, տրանսպորտի, էկոնոմիկայի, զբոսաշրջության. այս բոլոր ուղղություններով մեր գործընկերությունն է՛լ ավելի կխորացվի, է՛լ ավելի կզարգանա: Մենք նաև խոսել ենք տարածաշրջանային զարգացումների մասին: Ես ընդգծել եմ կարևորությունը մեր համատեղ ջանքերի, որպեսզի կարողանանք պայքարել տարածաշրջանի առկա մարտահրավերների դեմ: Վրաստանն աջակցում է Հարավային Կովկասում կայունության, խաղաղության և համատեղ ապրելու ջանքերին: Մենք իսկապես հուսով ենք, որ Հայաստանի և Ադրբեջանի միջև խաղաղության համաձայնագիրը կստորագրվի, և շոշափելի համաձայնագիր կլինի, և Վրաստանը պատրաստ է դրականորեն աջակցել այդ գործընթացին և նպաստել խաղաղության և կայունության հաստատմանը տարածաշրջանում»,- նշեց նա:
Վրաստանի վարչապետը Հայաստանի Հանրապետության վարչապետ Նիկոլ Փաշինյանին հրավիրել է Վրաստան։ Այս մասին Երևանում ՀՀ վարչապետ Նիկոլ Փաշինյանի հետ հանդիպումից հետո կայացած ճեպազրույցի ընթացքում ասաց Իրակլի Կոբախիձեն։
«Մենք այս մասին խոսել ենք մեր հանդիպման ժամանակ, և ես ևս մեկ անգամ Ձեզ հրավիրում եմ Վրաստան»,- նշեց Կոբախիձեն։ Իրակլի Կոբախիձեն ընդգծեց, որ Հայաստանի ու Վրաստանի միջև տեղի են ունենում բարձր մակարդակի երկկողմ այցեր, ինչը շատ կարևոր է և անհրաժեշտ է այս մոտեցումն ու գործընկերության բարձր մակարդակը պահպանել․ «Մեր նպատակն է զարգացնել և ամրապնդել մեր երկրները, մեր երկրների միջև համագործակցությունը»։
Բաց մի թողեք
Կոսովոյի օրենսդիրները ուշ գիշերային քվեարկությամբ ընտրեցին Յուստինա Շիրոկա Պուլային որպես նախագահ՝ արտահերթ ընտրություններից խուսափելու համար. Լուսանկարներ
Եվրոպական արտաքին գործողությունների ծառայությունը (EEAS) խուսափում է ԱՄՆ-ի առնչությամբ «ապատեղեկատվության» շուրջ բանավեճից
Ֆրանսիան և Գերմանիան հայտարարում են, որ Թրամփին տրված դիզվառելիքի վերաբերյալ խոստումը չի պահանջի պաշարների նոր բացթողում