14/07/2024

ԲՀԿ-ում գիտեին, որ սուտը պետք է ֆեյքերով տարածել, Դանիելյանը չհասկացավ ու անձամբ հայտարարեց, պատասխան կտա դատարանում

«ԱԺ պատգամավոր Գառնիկ Դանիելյանը հայտարարեց, թե իբր ես անցել եմ իմ ընտանիքի անդամների «նկատմամբ» կատարված ինչ-որ քրեական գործով»։

Այս մասին «Ֆեյսբուք»-ի իր էջում գրել է «Իրազեկ քաղաքացիների միավորում» ՀԿ համակարգող Դանիել Իոաննիասյանը՝ նշելով, թե Գառնիկ Դանիելյանը պատասխան է տալու դատական կարքով։

«Ես երբեք որևէ քրեական գործով չեմ անցել։ Երբեք որևէ քրեական գործով (կամ հետաքննությամբ) անգամ չի քննարկվել իմ կողմից` ընտանիքիս անդամի դեմ կատարված որևէ արարք։

Սա 2018 թվականի սեպտեմբերին ԲՀԿ-ի ֆեյքերի տարածած սուտն է։ Բայց ֆեյքերին դատի տալ չէի կարող, իսկ Գառնիկ Դանիելյանին` կարող եմ։

Եվ այո, ԲՀԿ-ում հասկանում էին, որ սենց սուտը պետք է ֆեյքերով տարածեն (չգիտեին, որ իրենց մոտ ներդրած մարդ ունեինք), իսկ Գառնիկ Դանիելյանիը այդքանը չհասկացավ ու այս սուտը ափաշքյարա անձամբ հայտարարեց»: